Топ сусветнай музыкi – заўзяты фанат клуба НФЛ з дзяцiнства, калi поспехаў дасягалi з трэнерам, якi потым працаваў у Мiнску
Гicторыя з Эмiнэмам i Беларуссю.
Мінулы сезон у НФЛ – галоўнай амерыканскай лiзе па амерыканскiм жа футболе – аказаўся вельмi паспяховым для «Дэтройт Лаянс». Упершыню з 1993 года каманда выйшла ў плэй-оф, а там здолела дайсці там да паўфінала, што адбылося ўвогуле ўпершыню ў гісторыі. На такія подзвігі клуб натхняў у тым ліку сусветна вядомы рэпер Эмiнэм. Маршал Брус Мэтэрс вырас у Дэтройце i з дзяцiнства стаў фанатам «Лаянс». Перад пачаткам плэй-оф Эмiнэм зняўся ў двуххвілінным прома-роліку, дзе расказаў, як шмат значыць каманда для горада. А потым падтрымліваў любімы клуб асабiста.
👊 Эмінем натхніў родную каманду на гістарычную перамогу. Зняўся ў крутым прома і падтрымаў з трыбуны
Зусім нядаўна рэпер у сваім кліпе на трэк Temporary паказаў кранальныя кадры таго, як ён даведаўся, што стане дзядулем. На відэа яго дачка Хэйлі дорыць яму футболку «Дэтройта» з першым нумарам і надпісам «Дзядуля».
Гэты фрагмент кліпа стаў хутка разлятацца па iнтэрнеце. НФЛ і «Дэтройт» скарысталiся гэтым ды зрабілі сумесны пост ў Instagram, які за суткі набраў 540 тысяч лайкаў і 2,4 тысячы каментарыяў, стаўшы самым паспяховым для клуба ў 2024 годзе.
Эмінэм таксама нярэдка выступае ў мэрчы «Дэтройта», быў ганаровым капітанам каманды. I адкрываў драфт НФЛ-2024, які якраз праходзіў у Дэтройце, – завёў натоўп за лiчаныя секунды.
Цікава, што ў любімага клуба аднаго з самых паспяховых выканаўцаў у гicторыi музыкi ёсць перасячэнне з Беларуссю. Трэнерам «Дэтройта» некалi працаваў легендарны для амерыканскага футбола Монтэ Кларк. Гульцом ён двойчы выйграў Супербоўл, а потым шмат гадоў працаваў трэнерам. З 1978-га па 1984-ы ўзначальваў «Дэтройт» – пры ім клуб двойчы запар (у сезонах 1982/83 i 1983/84) выходзіў у плэй-оф, дзе вылятаў у першым раўндзе. Гэта былi першыя матчы плэй-оф каманды пры жыццi Эмiнэма, якому дакладна былi забяспечаныя яскравыя дзiцячыя ўспамiны.
У 1990-м у Беларусi ўзнiкла другая ў гiсторыi краiна каманда па амерыканскiм футболе – «Зубры». У 1991-м яна стала называцца «Мiнскiя зубры» i знайшла даволi забяспечанных спонсараў. У аднаго з кiраўнiкоў фiрмы, якая ўклалася ў клуб, знайшлiся сувязi ў Амерыцы. Дзякуючы iм увосень у Беларусь вырашылi запрасiць прафесiйнага трэнера, каб правесцi вялiкi збор i амаль з нуля навучыць гульцоў усяму неабходнаму. На такую авантуру пагадзiўся як раз Кларк, у якога была паўза ў працы. Некалькi тыдняў ён правёў у Мiнску, выкладаючы тэорыю i праводзячы двухразовыя трэнiроўкi на базе ў Стайках.
Такое навучанне дапамагло камандзе потым тры гады запар выйграваць чэмпiянат СНД. А ў 1993-м «Мiнскiя Зубры» адправiлiся з вiзiтам у адказ у ЗША – i дзякуючы Кларку пабывалi на трэнiроўцы «Дэтройта» i агледзелi стадыён клуба.
У 1999-м Кларк вярнуўся ў «Дэтройт» i па 2008-ы быў трэнерам-кансультантам, а ў верасні 2009-га ва ўзросце 72 гадоў памёр праз анкалагiчнае захворванне. У 2017-м годзе «Мінскія зубры» вырашылі ўшанаваць памяць амерыканца і стварылі міжнародны турнір пад назвай Кубак Монтэ Кларка. Спаборнiцтвы планавалicя штогадовымi, але пратрымалiся толькi да 2020-га.
Другие посты пользователя
