Шыкоўны дэбют Мірка Сломкі ў Гамбургу. 22 тур Бундэслігі. Тут было шмат цікавага
Гамбург нарэшце перамагае, Шальке эканоміць сілы перад Лігай Чэмпіёнаў, а Баер прайграе і прайграе. Чым яшчэ адзначылася Германія, чытайце ніжэй. Бундэсліга не дала засумаваць у гэтыя выхадныя.
Канец тыдня выдаўся насычаным на спартыўныя падзеі: завяршэнне Сочы-2014, старт веснавой часткі Еўракубкаў, лёсаванне кваліфікацыі Еўра-2016. Пра першае шмат хто казаў, а пра апошняе пагаворым пазней. Зараз жа вынікі 22 туру Бундэслігі, асаблівую ўвагу надаем матчам 3-х клубаў: Шальке, Барусіі Дортмунд і франкфуртскага Айнтрахта.
Шальке 04 0-0 Майнц 05
Шальке, маючы добрыя моманты, не скарыстаўся імі і разжыўся толькі адным балам у пятніцу. Мабыць, гэта і не так дрэнна, улічваючы, што ў сераду "кобальтавым" гуляць супраць мадрыдскага Рэала ў Лізе Чэмпіёнаў. Нічыя не скінула гаспадароў з 4 месца, ды і госці не страцілі шансаў на выхад у еўракубкі.
Пераходзім да падзей суботы. І завітаем спачатку ў Нюрнберг
Нюрнберг 2-1 Айнтрахт Браўншвайг
34 - 0-1 Кумбела
46 - 1-1 Кіётаке
47 - 2-1 Пекхарт
Браўншвайг не здолеў працягнуць сваю пераможную серыю, хаця першым адкрыў лік. Вызначыўся Домі Кумбела, які забівае другі матч запар. Гаспадары не сталі адцягваць свой адказ. Дзве першыя хвіліны ў другім тайме спатрэбіліся "нюрнбергцам", каб схіліць чашу вагаў да сябе: Кіётаке і Пекхарт прынеслі перамогу гаспадарам. Адзначаем, што Нюрнберг, які не выйграў ніводнага разу ў 1 крузе, зараз стабільна набірае ў кожным матчы 3 балы, выключэнне - матч з Баварыяй.
Неверагодна, але ў гэтым матчы не было рэалізавана 3 пенальці: Кумбела і Бічакчыч з боку Айнтрахта і Кіётаке з боку Нюрнберга. Ва ўсіх трох выпадках выдатна згулялі брамнікі.
Штутгарт 1-2 Герта
5 - 0-1 Кабіашвілі
45 - 1-1 Бока
87 - 1-2 Вагнэр
7 параза запар. Апошні раз Штутгарт перамагаў у пачатку снежня. З хлопцамі Томаша Снайдэра робіцца нешта жахлівае. Штутгарт зараз на 15 радку і мае 19 балаў, столькі ж у Гамбурга, які на 16 і на ачко менш у Фрайбурга, які 17. Яшчэ пара такіх гульняў і "швабы" апынуцца ў непрыемным месцы. Што датычыцца матчу, нельга не сказаць пра гол Штутгарта, у Арцюра Бока атрымаўся добры ўдар, але ён не дапамог Штутгарту ў наборы так патрэбных яму балаў. Ну а Герта працягвае барацьбу за Еўропу.
Барусія Менхенгладбах 2-2 Хафенхайм 1899
4 - 1-0 Херман
18 - 2-0 Янчке
56 - 2-1 Фірміна
82 - 2-2 Саліхавіч (пенальці)
Весялосць і Хафенайм у нынешнім сезоне - словы-сінонімы. Гэты матч не стаў выключэннем. На 4 хвіліне памыліўся брамнік, а праз 14 хвілін - цэнтральны абаронца. У выніку - 2-0 пасля 1 тайму. "Вяскоўцы" не сталі адчайвацца і адыгралі гэтае адставанне. Прычым у такім жа стылі, як прапусцілі ў першым: памылка Тэр Штэгена - 2-1, памылка Штранцля, пенальці - Сеяд Саліхавіч бездакорна выконвае прысуд. Нічыя, Гладбаху зноў не удаецца перамагчы ў другім крузе.
Фрайбург 2-4 Аўгсбург
7 - 0-1 Вернер
17 - 1-1 Шмід
73 - 2-1 Мехмедзі
78 - 2-2 Верхаг
84 - 2-3 Халіл Алтынтоп
90 - 2-4 Хан
Самы результатыўны матч былога туру. Трэба падзякаваць камандам за гульню, за шэраг прыгожых галоў. Як кажуць, лепш адзін раз убачыць, чым сто разоў пачуць. Ну а шэдэўр Джанатана Сміта трэба вызначыць асобна:
Гамбург 3-0 Барусія Дортмунд
42 - 1-0 Йірачэк
58 - 2-0 Ласога
90 - 3-0 Чалханаглу
Неверагодна. Я чакаў ад гэтага матчу чаго заўгодна, але не буйной паразы Дортмунда. І ў першую чаргу перад матчам Лігі Чэмпіёнаў хвалюе тое, як забіваюць Барусіі:
Першы гол - двойчы "жоўта-чорныя" прайгралі дуэлі 2 на 1 (на сваю карысць) ва ўласнай штрафной. Ласога неяк здолеў зрабіць крос праз Шмельцэра і Фрыдрыха, а Йірачэк яго замкнуў праз Абамеянга і Сакраціса.
Гол Ласогі - памылка Шахіна + дзірка ў цэнтры абароны. А калі Мішэль Ласога выходзіць сам на сам, то ён не прамахваецца.
Ну і трэці. Тут каментары залішнія:
3-0. Юрген Клоп іранічна ўсміхаецца, але зараз не да смеху, бо наперадзе выезд у Пецярбург. Без Свена Бендэра і з пытаннямі наконт удзелу ў гульні Левандоўскі.
Вячэрні суботні матч таксама выдаўся цікавым:
Вольфсбург 3-1 Баер Леверкузен
58 - 2-1 Луіз Густава
Калі мяне папросяць ахарэктызаваць гульню Баера ў апошніх матчах я скажу толькі адно: памылкі, памылкі і яшчэ раз памылкі. Нешта незразумелае зрабілася з хлопцамі Саамі Хюпіа. Усю першую палову сезону "аспірынавыя" дэманстравалі амаль што эталон гульні ў абароне, не забываючы пра атаку. Дадаць да гэтага надзейнага Бернда Лена і крыху ўдачы і можна кідаць выклік Баварыі, але страта "сваіх" ачкоў + цяперашнія памылкі ў абароне перакрэсліваюць усе планы наконт нервавання "Рэкордмайстэра"
Адзін з прыкладаў памылак - гол Луіза Густава
А "ваўкі" усё бліжэй і бліжэй да Лігі Чэмпіёнаў, да Шальке ўсяго 2 балы.
Надзеля, 23 лютага. У Дзень абаронцаў айчыны адбыліся 2 матчы:
Айнтрахт Франкфурт 0-0 Вердэр
Вердэр нарэшце гуляе матч на нуль. Для Айнтрахта гэта таксама нядрэнны вынік. Уся барацьба ўнізе табліцы наперадзе.
Гановер 96 0-4 Баварыя Мюнхен
25 - 0-1 Мюллер
34 - 0-2 Алькантара
59 - 0-3 Мюллер
66 - 0-4 Манджукіч
Баварыя мае магчымасць аформіць чарговае чэмпіёнства ўжо ў сакавіку. Прыкладна, калі ўсё будзе ісці па плану Гвардыёлы і "ўжыванне піцы і гамбургераў" будзе ісці як і зараз, то каранацыя адбудзецца 29 сакавіка. Фантастыка.
Што датычыцца матчу, усе было прадказальна. 25 хвілін Гановер трымаўся, выглядаў дастойна. Ніякіх пытанняў да яго не павінна быць. Баварыя згуляла ў сваю моц (хоць і далёка не поўную), а Гановер - у сваю.
Герой туру
Рафаэль Шэфер.
Адбіў 2 пенальці, тым самым, прынёс перамогу свайму клубу. 4 у 5 матчах чэмпіяната ў 2014 годзе.
І, канешне ж, Мірка Сломка.
Паглядзім, як будзе гуляць Гамбург далей, але тое, што было ў суботу - неверагодна
Гол туру
Хакан Чалханаглу
Сімвалічная зборная:
Брамнік: Шэфер (Нюрнберг)
Абаронцы: Рафінья (Баварыя) - Радрыгез (Вольфсбург) - Верхаг (Аўгсбург) - Янчке (Барусія Менхенгладбах)
Паўабаронцы: Мюллер (Баварыя) - Чалханаглу (Гамбург) - Шмід (Фрайбург) - Луіз Густава (Вольфсбург)
Нападаючыя: Ласога (Гамбург) - Вагнэр (Герта)
На гэтым усё. Праз дзень працягнуцца еўракубкавыя бітвы. Сустрэнемся.
