У «Цмоках» папаўненне

Прафесійную кар«еру выпускнік універсітэта „Вестэрн Кентакі» пачаў у 2008 годзе пасля таго, як не прыцягнуў увагу каманд НБА на драфце. Пераехаўшы ў Стары Свет, Бразелтан дэбютаваў у шэрагах латвійскага „Вентспілса“, заадно засвяціўшыся на міжнароднай арэне ў розыгрышы Еўрачэленджа. Нядрэнна зарэкамендаваўшы сябе, Тайран пайшоў на павышэнне — гульцом зацікавіўся гегмон польскага чэмпіянату „Праком“. У шэрагах клуба з Гдыні спартсмен правёў паўтара года, падчас якіх выйграў залатыя медалі першынства краіны і паспрабаваў сілы ў Еўралізе. Затым жа, пасля 21 матчу пад сцягамі польскага „Слупска“, у кар“еры Бразелтана наступіў нямецкі этап. Плэймейкер абараняў колеры „Айсберана“ і „Нюрнберга“, а ў паўзе паміж гэтым шукаў шчасця ў лізе развіцця НБА пад сцягамі „ЭрыБэй Хокс“. Чэмпіянат 2012/13 Тайран адыграў ва ўкраінскай „Адэсе“ пад кіраўніцтвам нашага суайчынніка Алега Юшкіна, а затым некалькі месяцаў правёў у Іране па запрашэнні каманды „Петрахімі“. Пачатак розыгрышу 2013/14 Бразелтан правёў у літоўскім „Нявежысе“, аднак у пачатку студзеня палічыў за лепшае пакінуць клуб дзеля выступленняў на больш высокім узроўні. Мы не маглі ўпусціць магчымасць пазнаёміцца з нашым новым гульцом.— Калі вы ўпершыню пачулі пра цікавасць з боку „Цмокаў“?— Каля двух тыдняў таму.— Якія яшчэ варыянты для працягу кар«еры разглядалі?— Было некалькі прапаноў. У прыватнасці, ад „Няптунаса“ і „Азоўмаша“.— Чаму спыніліся на беларускім клубе?— Галоўная прычына — каманда нядрэнна выступае ў лізе ВТБ і Еўрачэленджы, таму атрымаю магчымасць праявіць сябе на высокім узроўні.— Што ведалі пра „Цмокаў“ перад падпісаннем кантракту?— Чуў, што каманда выступае ў сталіцы. Таксама мне шмат прыемнага казалі пра мясцовых заўзятараў, якія актыўна цікавяцца баскетболам і ў вялікай колькасці прыходзяць на матчы. Падрабязнае інтэрв»ю з Тайранам чытайце на нашым афіцыйным сайце.