Беларуская дыяспара ў Еўропе. Беларусы, якія атрымліваюць вышэйшую хакейную адукацыю па-за межамі нашай краіны
На хвалі ад поспеху нашай хакейнай юніёрскай зборнай на чэмпіянаце свету вырашыў зрабць невялічкі агляд нашых маладых талентаў.
Вітаю ўсіх! На хвалі ад поспеху нашай хакейнай юніёрскай зборнай на чэмпіянаце свету вырашыў зрабць невялічкі агляд нашых маладых талентаў. Ні ў якім разе не хачу адбіраць хлеб у спадара Пуціміра, таму вынайшаў для сябе галіну, якую мы яшчэ, калі я правільна памятаю, не разглядалі, а менавіта – беларусы ў еўрапейскіх лігах. Зацікавіла тое, што ў зборнай, якая выйшла ў чвэрцьфінал ЧС ёсць некалькі хлопцаў, атрымліваўшых хакейную адукацыю па-за межамі нашай краіны. І калі мы прызвычаіліся, што нашыя суайчыннікі едуць у ЗША ці Канаду, то факт, што асноўны брамнік зборнай Мікіта Талапіла 2 гады таму гуляў у Швейцарыі мяне вельмі зацікавіў. Вось я ўзяў на ўзбраенне інтэрнэт і адшукаў беларусаў у заходнееўрапейскіх лігах. Адразу адзначу, што не разглядаліся гульцы ўзрост якіх перавышае 20 гадоў. Таксама не ўвайшлі ў гэты спіс хлопцы, што гуляюць у Расіі ці Казахстане, бо незразумела што будзе з іх грамадзянствам. І так…пачнем.
У якасці першай стравы у нас Чэхія
Ягор Грахольскі (F) 27.02.2002г
Гульні – 32, галы – 5, пасы – 8, +/- -11, шхв – 30.
Клуб – HC Ceske Budejovice U16
Ліга – Czech U16
Выхаванец бабруйскай школы гуляе ў Чэхіі першы сезон. Ягоны Чэске Будзёвіцэ скончыў рэгулярны чэмпіянат на 4 месцы ў сваёй падгруппе, але выбыў ў чвэрцьфінале. На нашага суайчынніка разлічваюць больш у 2-3 звяне. У каманды ёсць 3 асноўных форварда і яны робяць ільвіную долю працы, але Ягор у спісе бамбардыраў ідзе адразу пасля іх, таму, спадзяемся на яго прафесійны рост.
Станіслаў Камінскі (F) 30.04.1999г
Гульні – 34, галы – 4, пасы – 6, +/- 0, шхв – 12.
Клуб – Pelhrimov
Ліга – Czech U16
Станіслаў гуляе ў клубе-аўтсайдэры трэцяй чэшскай лігі. Поспехаў пакуль што няма, Чэхія была спробай неяк аднавіць кар’еру, бо Стас гуляў і за зборныя U17 i U18, але вырашыў змяніць вектар развіцця, а нам застаецца толькі пажадаць поспехаў.
Наступнай будзе Аўстрыя. Краіна якая пераканала ўвесь свет, што Моцарт – аўстрыец, а Гітлер – немец, дала прытулак ажно 4 нашым хлопцам.
Андрэй Барташэвіч (D) 15.10.1999г
Гульні – 22, галы – 4, пасы – 5, +/- 6, шхв – 27. У ПО – 3, 0+0, +/- 2, шхв 0.
Клуб – Okanagan HC Europe U20
Ліга – EBYSL
Беларускі прадстаўнік галоўнай маладзежнай лігі Аўстрыі першыя хакейныя крокі зрабіў у школе сталічнага Дынама і перайшоў у нейкую копію мінскага клуба КХЛ, толькі ў іншай краіне. Клуб, як кажуць, “Крепкий середняк”, але далей за першы раўнд ПО не праходзіў, так сталася і ў гэтым годзе. Наш абаронца апраўдвае давер трэнера, гуляе ў 1-2 пары, больш арыентаваны на разбурэнне атак сапернікаў, але і сам любіць паўдзельнічаць у наступе, пра што кажа станоўчая лічба ў +/-.
Арцём Катовіч (D) 31.07.2001г
Гульні – 30, галы – 4, пасы – 10, +/- -20, шхв – 60.
Мікіта Запольскі (D) 18.02.2002г
Гульні – 29, галы – 5, пасы – 12, +/- -16, шхв – 20.
Клуб – Okanagan HC Europe White U18
Ліга – EBJL
Але ў структуры гэтага клуба ёсць яшчэ два цікавыя для нас гульцы. Каманда White U18 – тыповы аўтсайдэр і пра плэй-офф гаворка нават і не пачыналася, нашыя хлопцы гуляюць шмат, пункты набіраюць спраўна, нажаль, толькі каэфіцыент карыснасці для абаронцаў даволі на нізкім узроўні.
Уладзіслаў Палягошка (F) 25.04.2002г
Гульні – 28, галы – 29, пасы – 39, +/- 68, шхв – 14. У ПО – 6, 4+6, +/- 0, шхв 6.
Клуб – EC Salzburg U18
Ліга – EBJL
Уладзіслаў змяніў школу мінскага Дынама на аўстрыйскую юніёрскую лігу і стаў яе чэмпіёнам. Паралельна з гэтым Улад з’яўляецца трэцім бамбардзірам сваёй каманды і чацвертым ва ўсей лізе. І на ўсе гэтыя дасягненні трэба глядзець пад прызмай таго, што ён на год-два маладзешы за сваіх аднаклубнікаў. Будзем спадзявацца, што такі старт – толькі пачатак, тым больш што клуб дае магчымасці для развіцця : у мінулым годзе ў кэмп для моладзі прыязджаў Сягрей Баброўскі, што сведчыць аб неблагім узроўні школы.
Аляксей Бародзіч (F) 18.01.2002г
Гульні – 3, галы – 0, пасы – 0, +/- -, шхв – 8. ЗаMeudon/ACBB U17
Гульні – 8, галы – 3, пасы – 2, +/- -, шхв – 4. У ПО – 4, 1+0, +/- 0, шхв 4. ЗаAvignon U17
Клуб – Meudon/ACBB U17 і Avignon U17
Ліга – France U17
Напэўна досвед Паўла Чарнаока натхніў Аляксея на гэтую вандроўку, як бы не было цяжка паверыць, але нашы есць і ў Французскай юніёрскай лізе. Не сказаць, што Аляксей гуляе бліскуча, але тое, што гуляе – ужо добра. Французская зборная U18 яшчэ ў эліце, таму і ліга, адпаведна, не самая слабая.Пасля змены клубаў гульнявога часу ў Аляксея паболела, засталося дачакацца росту выніковых балаў.
Апошнім часам нашых хакеістаў вабіць Скандынавія, пачалося ўсё з Матушкіна і працягваецца дагэтуль…
Данііл Ціханаў (D) 24.12.2000г
Гульні – 27, галы – 5, пасы – 6, +/- -, шхв – 82.
Клуб – Lidingö Vikings J18
Ліга – J18 Div.1
Каб назва лігі не блытала адразу скажу – гэта трэцяя з чатырох юніёрскіх ліг Швецыі. Клуб Данілы перамог у сваім дывізіёне, але прабіцца на ўзровень вышэй не здолеў, што датычыцца нашага юнага абаронцы, то ён тыповы дамасед, больш арыентаваны на разбурэнне і на сілавую барацьбу. Напэўна гэта вынікае з яго габарытаў (190/84) і яго першай вядомай школы – Русь(Масква), школа стала славутай у нашых шыротах пасля гэтай гісторыі:
Арцём Канавалаў (LW) 14.04.2000г
Гульні – 31, галы – 10, пасы – 24, +/- -, шхв – 6. За Nynäshamns IF U18
Гульні – 13, галы – 0, пасы – 2, +/- -6, шхв – 2. ЗаNynäshamns IF U20
Клуб – Nynäshamns IF U18 і Nynäshamns IF U20
Ліга – J18 Div.1 i J20 Elit, адпаведна
Пачатак сезону Арцём гуляў у камандзе U18, але з-за добрых вынікаў і, у некаторай ступені, з-за ўзросту яго перавялі ў маладзёжку, але нажаль гуляць на ўзроўні вышэй атрымліваецца не так удала. Трэба ж, канешне, улічваць, што каманда Nynäshamns IF U20 прымае ўдзел не ў 3, а ў 2 лізе Швецыі, таму, спішам слабую статыстыку на нязвыкласць.
Яўген Лаўроў(СF) 27.12.2000г
Гульні – 22, галы – 15, пасы – 11, +/- -, шхв – 18. За Göta/TranebergU18
Гульні – 34, галы – 7, пасы – 9, +/- 13, шхв – 14. За Göta/TranebergU20
Клуб – Göta/Traneberg U18 і Göta/Traneberg U20
Ліга – J18 Div.1 i J20 Elit, адпаведна
У Яўгена сітуацыя падобная да Арцёма, але ён лепш увайшоў у гульню ў лізе U20. Трэнеры выкарыстоўваюць яго і ў спецбрыгадах, таму можна спадзявацца, што вырасце цэнтр добрага ўзроўню, галоўнае, каб федэрацыя яго не згубіла, бо толькі ў яго з гэтага спісу падвойнае грамадзянства.
Апошнія прадстаўнікі моладзі вартыя нашай увагі знаходзяцца ў Фінляндыі
Дзмітры Багдановіч (D) 13.06.2001г
Гульні – 21, галы – 0, пасы – 2, +/- -, шхв – 0.
Клуб – Ässät U17 і Ässät U18 ІІ
Ліга – Jr. B2 SM-sarja i Jr. B Aluesarja, адпаведна
Марк Ізоўскі (F) 13.11.2001г
Гульні – 14, галы – 2, пасы – 7, +/- -, шхв – 0.
Клуб – Ässät U17
Ліга – Jr. B2 SM-sarja
Хлопцы ў складзе каманды U17 сталі бронзавымі прызёрамі рэгулярнага чэмпіянату, нажаль, больш канкрэтнай інфармацыі пра нашых суайчыннікаў адшукаць не атрымалася, але тое, што яны гуляюць вышэйшай лізе ва ўзросце U17 у фінляндыі і гуляюць рэгулярна, дае падставу меркаваць, што ў іх ёсць магчымасць вырасці ў сапраўдных прафесіяналаў.
Гэта толькі невялічкі агляд беларусаў за мяжой. У наступным чакаецца агляд беларусаў не змяніўшых грамадзянства у Расіі і яшчэ агляд беларусаў у самых экзатычных чэмпіянатах, вы напэўна не ведалі, што нашы гуляюць нават у Ісландыі. Дзякуй за ўвагу.
Фота: eliteprospects.com, hcdinamo.by, facebook.com
