На гадавіну смерці бацькі Леўчанка распавяла пра цуд з яго гадзіннікам – допіс, напоўнены містыкай

Алена Леўчанка ў сваім інстаграм выклала кранальны пост, які прысвяціла бацьку. Сцяпан Васільевіч Леўчанка памёр 15 траўня 2023 года. Спартсменка не змагла прыехаць на яго пахаванне.

«Дарагі тата,

Не магу паверыць, што сёння споўніўся год з таго часу, як ты нечакана пакінуў нас. Я памятаю той дзень – гэта быў адзін з самых цяжкіх дзён у маім жыцці. Гэты год быў поўны эмоцый: боль, гнеў, адмаўленне, сум і, нарэшце, прыняцце. Апошняе прыйшло толькі нядаўна, і ў гэтага ёсць свая гісторыя.

Не так даўно я падарыла таце гэты гадзіннік. Ён іх вельмі любіў і насіў увесь час. Калі ён памёр, я папрасіла маму прывезці іх мне. Я хацела, каб гадзіннік назаўжды застаўся са мной. Што было дзіўна, калі тата пакінуў нас, гадзіннік спыніўся. З таго часу яны заўсёды былі са мной, на тумбачцы каля майго ложка. Калі мне было вельмі дрэнна і складана ўсё гэта перажыць, я ўзяла іх і трымала блізка да сэрца.

Я памятаю адзін вечар, калі мне было эмацыйна цяжка, я ўзяла гадзіннік, як і заўсёды, паглядзела на яго і не магла паверыць сваім вачам. Ён пачаў ПРАЦАВАЦЬ! У той момант я зразумела, што бацька дае мне ведаць, што ён побач і падтрымлівае мяне. Я трымала гэты гадзіннік кожны вечар перад сном, і кожны раз, калі я яго брала, ён працаваў.

З часам рана павольна пачала гаіцца, і я пачала прымаць той факт, што яго больш няма з намі. Не магу сказаць, што стала лягчэй; я проста змірылася з гэтым. Аднойчы ноччу я ўзяла гадзіннік, і ён больш не ішоў. У той момант я зразумела, што мне проста патрэбна была яго прысутнасць у самы цяжкі для мяне час, і ён быў побач.

Дзякуй, татачка. Я цябе вельмі моцна кахаю і сумую па табе. Ты заўсёды ў маім сэрцы, і я спадзяюся, што нашыя душы калі-небудзь зноў сустрэнуцца», – напісала Леўчанка.

Крыніца: Instagram yelenaleu