Былая дзяўчына алімпійскага чэмпіёна па біятлоне Стурлы Легрэйда паведаміла, што ёй будзе няпроста прабачыць спартсмена пасля яго публічнага прызнання ў здрадзе.

Напярэдадні нарвежац заваяваў бронзу ў індывідуальнай гонцы на Алімпіядзе-2026 у Італіі. Пасля фінішу ён прызнаўся ў інтэрв’ю, што тры месяцы таму здрадзіў сваёй дзяўчыне, з якой сустракаўся паўгода.

«Не абавязкова дараваць мне. Але калі ёсць хоць нейкі шанец сказаць ёй, як моцна я яе кахаю, няхай нават гэта медыйна заб’е мяне ў прамым эфіры, я гатовы, абы атрымаць гэты маленькі шанец», – сказаў Легрэйд пасля цырымоніі ўзнагароджання.

«Цяжка дараваць такое. Нават пасля прызнання ў каханні на ўвесь свет.

Я не выбірала аказацца ў такім палажэнні, і для мяне гэта нялёгка. Мы былі на сувязі, ён ведае маё меркаванне наконт гэтага», – сказала дзяўчына, якая пажадала застацца ананімнай.

Чытайце таксама

Аўтар: Dzmitry Antonau

Крыніца: VG