Алена Кручынкіна пра канфлікт з экс-партнёркай па зборнай Беларусі: «Адстаньце ад мяне і жывіце сваім жыццём. Я канкурэнцыю ёй не складаю»
Ураджэнка Расіі Алена Кручынкіна, якая з 2019 па 2023 гады выступала за Беларусь, расказала пра канфлікт з экс-партнёркай па камандзе.
Кручынкіна не называе яе імя, але адзначае, што яно пачынаецца на літару «Д» і намякае, што спартсменцы 30 гадоў і яна з’яўляецца маці і жонкай. Пад апісанне падыходзіць падпісантка ліста за Лукашэнку Дзінара Смольская.
– Усім дзякуй за падтрымку! Тым, хто падтрымаў, пакуль не набегла яе войска фанатаў. Хачу сказаць, што ў мяне няма ніякіх чыннікаў для канфлікту.
Я шмат разоў спрабавала высветліць прычыны гэтых учынкаў, але адказаў не атрымала. Дзяліць мне з ёй няма чаго: я даўно не ў зборнай, бегаю не вельмі (мякка кажучы) і канкурэнцыю даўно не складаю. Жыву сваім жыццём. І, на жаль, мяне не чулі. Спадзяюся, цяпер пачуюць!
Проста! Адчапіцеся ад мяне і жывіце сваім жыццём! Займіцеся сабой! Я гэта зрабіла не для іх, а для сябе. Я проста стамілася! Стамілася замоўчваць і трываць! Шмат разоў папярэджвала ўсіх, што ўсяму ёсць канец. Я выгаварылася, і мне стала лягчэй!
Дзякуй тым, хто зразумеў. А хто не зразумеў – бывае, – напісала Кручынкіна.
