Сола пра эстафету на ЧР: «Пачаўся трэмор ног і рук»
Беларуская біятланістка Ганна Сола пракаментавала шостае месца ў жаночай эстафеце на чэмпіянаце Расіі ў Цюмені.
У складзе каманды «Беларусь-1» выступілі таксама Дынара Смольская, Ксенія Варабей і Алена Кулак.
– У цэлым нядрэнная гонка склалася, калі б не апошняя стральба, згодны?
– З боку лепш відаць. Мусіць, так.
– Што не атрымалася, як вы лічыце? Ці захапіліся пагоняй ці гэта больш вецер?
– Не, гэта сапраўды не вецер, а чыста мой стан. З першых метраў дыстанцыі было вельмі няпроста.
Проста няма сіл нават трымаць вінтоўку, каб цэліцца. Пачаўся трэмор ног і рук. Вельмі складана страляць у такім стане. Рада, што з лежкай зладзілася. Са стойкі думала хаця б неяк пайсці.
За трэцяе месца з Настай бы не змагла змагацца на дыстанцыі, таму што самаадчуванне зараз не вельмі добрае.
– Алена Кулак бегла на трэцім этапе. Наколькі яна сябе выявіла, як вы лічыце? І ў цэлым, ці правільнае рашэнне было паспрабаваць яе сёння?
– Усе, хто бег сёння ў эстафету, былі на сваіх месцах.
– Лыжы былі вашыя ці гэта арэнда?
– Гэта мае лыжы.
– А можа, заўтра на Насціных лыжах паедзем?
– Усё магчыма. Ёсць каманда, якая мне прапанавала дапамогу. Таму будзем глядзець і выбіраць з таго, што ёсць. Вялікі дзякуй усім, хто нам дапамагае! Калі людзі з боку проста ведаюць, што табе патрэбна дапамога, і самі яе прапануюць, гэта неацэнна.
– На асабістых сувязях усё трымаецца?
– На чалавечых адносінах, – сказала Сола.
