Памёр Рыкі Хатан
Былы чэмпіён свету Рыкі Хатан (45-3, 32 КО) знойдзены мёртвым у сваім доме ў Вялікім Манчэстэры, паведамляе Manchester Evening News.
Паліцыя пацвердзіла, што было знойдзена цела, і заявіла, што смерць 46-гадовага баксёра не разглядаецца як падазроная.
«Афіцэры атрымалі выклік прыбыць на Bowlacre Road, Гайд, Тэмсайд, у 6:45 раніцы сёння, дзе яны знайшлі цела 46-гадовага мужчыны. Пакуль не лічыцца, што ёсць нейкія падазроныя абставіны», – паведаміў афіцэр паліцыі.
За час баксёрскай кар’еры Хатан атрымаў некалькі чэмпіёнскіх тытулаў свету, а таксама тытулы ў Вялікабрытаніі. У 2015 годзе ён быў прызнаны баксёрам года.
2 снежня Хатан павінен быў правесці бой супраць 46-гадовага Аль Даха ў Дубаі. Баксёр апошні раз выходзіў на рынг у лістападзе 2012, калі прайграў тэхнічным накаўтам Вячаславу Сенчанку.
Раней Хатан, якому ў кастрычніку павінна было споўніцца 47 гадоў, гаварыў пра свае праблемы з псіхічным здароўем і наркатычнай залежнасцю. Ён перажыў спробы самагубства, пасля чаго пачаў працаваць над уласным псіхічным здароўем.
