Мікель Артэта: «Я вельмі спачуваю сітуацыі, у якой апынуўся данецкі «Шахцёр»
Галоўны трэнер «Арсенала» Мікель Артэта пракаментаваў цяжкасці, з якімі сутыкаецца данецкі «Шахцёр» перад дамашнім матчам у 3-м туры агульнага этапу Лігі чэмпіёнаў супраць «Арсенала».
– Пра умовы і падрыхтоўку «Шахцёра»
– Відавочна, што я вельмі спачуваю сітуацыі, у якой яны апынуліся. Я магу ўявіць, асабліва размаўляючы з Алексам (Зінчанка – заўв.), як гэтая сітуацыя ўплывае на вас, усю краіну, вашыя сем'і і навакольнае асяроддзе.
Неверагоднае стаўленне да сітуацыі, якая склалася, і тое, што ім даводзіцца рабіць, каб працягваць гуляць футбольныя матчы на такім узроўні і спаборнічаць так, як яны гэта робяць, уражвае, і мы будзем шчыра сустракаць іх тут заўтра ў найлепшым выглядзе.
– Пра тое, што футбол не з'яўляецца самай важнай рэччу ў свеце
– Не, безумоўна. Асабліва калі параўноўваць з сітуацыяй, у якой яны («Шахцёр» – заўв.) знаходзяцца. Але яны вырашылі выкарыстоўваць футбол са шматлікімі пазітыўнымі рэчамі, якія ажыўляюць жыццё.
Я думаю, што гэта выдатна, тое, як яны спраўляліся і спраўляюцца з сытуацыяй, адзінства краіны. Спорт таксама здольны дастаўляць радасць у жыццё людзей, і гэта тое, што мы павінны вельмі добра ўсведамляць, – заявіў Артэта.
Матч адбудзецца заўтра, 22 кастрычніка. Старт у 22.00.
