– Буду выпраменьваць стрыманы аптымізм, таму што перамога прыемная, пасля двух паражэнняў. Добра хлопцы зрэагавалі пасля ўсіх падзей, якія ў нас былі на гэтым тыдні, змаглі папрацаваць такім чынам, каб добра падрыхтавацца да матча. Таму ў нейкай ступені разумелі, што «Дынама» Брэст – гэта амбіцыйная каманда, плюс фактар дэрбі, якасць поля вельмі добрая. Аналізуючы суперніка, разумелі, што ў іх добрая група нападу, якая стварае дастатковую колькасць момантаў. Нездарма клуб знаходзіцца ў верхняй частцы табліцы. Таму вельмі важна было нейтралізаваць лідараў каманды за рахунак сваёй арганізацыі гульні. Таму, з гэтага пункту гледжання, мы не далі магчымасці суперніку шмат стварыць галявых сітуацый. Хаця, былі некаторыя памылкі пры выхадзе з абароны ў першым тайме. З-за межаў штрафной наносіў супернік хвасткі ўдар, добра Дзяніс Шпакоўскі зрэагаваў. Ну а па сваіх момантах скажу, што хуткасныя напады праходзілі. У першым тайме добры гол Карэн Варданян забіў, уцёк на прасторы.

І, напэўна, варта і казаць пра тое, што выдаленне Арцёма Быкава за грубую гульню, таксама паўплывала на ход матча. Супернік паспрабаваў раскрыцца, але, натуральна, на аднаго чалавека менш было ў абароне. І гэтыя вольныя зоны, якія з'яўляліся ў абароне суперніка, мы выкарыстоўвалі. Але цяжкасцяў і праблем з арганізацыяй гульні ў нас яшчэ дастаткова шмат. Таму не будзем здавольвацца тым, што мы дабіліся такога выніку па ліку. Парадуемся проста перамозе. Пасля двух параз вельмі важна было гэты эмацыйны фон падняць і выйграць сённяшнюю гульню. Таму і заўзятарам велізарная падзяка за падтрымку і ў пачатку матча, перад стартавым свістком, я чуў з фанацкага сектара сваё прозвішча. Гэта сведчыць пра тое, што паважаюць людзі. І я таксама хачу падзякаваць. Мне было вельмі прыемна. Напэўна, мы сёння рэалізацыяй момантаў парадавалі нашых заўзятараў і атрымалі перамогу.

– Вы згадалі пра падзеі бягучага тыдня. Што вы мелі на ўвазе?

– Я меў на ўвазе, што была мая заява пра адстаўку пасля матчу з «Арсеналам», і была адпаведная рэакцыя.

– Адразу шэсць змен у складзе ў параўнанні з папярэдняй гульнёй, плюс новая схема. Гэта быў спосаб ускалыхнуць каманду, або адштурхваліся ад суперніка?

– Па сукупнасці, трэба было нешта мяняць. Цяпер самая галоўная наша задача – знайсці аптымальныя рашэнні пад наяўных футбалістаў, выкарыстоўваць іх у максімальна моцныя бакі на футбольным полі. Таму крыху перайначылі тактычную мадэль і пастараліся размеркаваць гульцоў на поле так, каб яны прынеслі максімальную карысць.

– Дзяніс Шпакоўскі згуляў на нуль. Ацаніце яго гульню.

– Ён добра зрэагаваў у першым тайме пасля памылкі ў цэнтры абароны. Я яшчэ раз звярну ўвагу на тое, што гэта быў вельмі складаны ўдар. Ён быў хвасткі. І добра, што Дзяніс правільна пазіцыю заняў. Але ў цэлым скажу, што... Мы сёння ведаем патэнцыял каманды «Дынама» Брэст, ведаем іх атакавалую групу і Карцоў, і Гардзяйчук, і Кавалевіч. У цэлым, я лічу, што мы не дазволілі суперніку стварыць дастаткова галявых сітуацый каля нашых варот. Разумеючы тое, што ў папярэдніх матчах, канешне, гэтая каманда больш стварала. Плюс і наша рэалізацыя сёння была вышэйшай. Таму мы і атрымалі перамогу.

– Карэн Варданян нячаста выходзіць у старце, але сёння аформіў хет-трык. Адгадалі з выбарам?

– Пастараліся сёння выкарыстоўваць сваіх гульцоў на максімум. Вось з гэтага пункту гледжання мы сёння спрацавалі пісьменна, таму кожны ўнёс сваё ўкладанне, Карэн не выключэнне. Трэба разумець, што нападаючыя – гэта плён камандных дзеянняў, і Карэн як завяршальнік спрацаваў сёння дастаткова добра, – адзначыў Скрыпчанка.

Аўтар: Александр Литвинов

Крыніца: bel.football