Яўген Юдчыц: «Нічыя не патрэбна была ні «Дынама» Брэст, ні «Іслачы»
Абаронца «Іслачы» Яўген Юдчыц падзяліўся меркаваннем пра матч 26-га тура ЧБ з брэсцкім «Дынама» (1:1).
– Добрая гульня, нядрэнны футбол. Адчувалася, што абедзве каманды хацелі перамагчы. Мы і «Дынама» змагаемся за тройку прызёраў, і нічыя не патрэбная была ні нам, ні Брэсту.
– Раней вы выступалі за «Дынама». Ці быў дадатковы настрой?
– Не сказаў бы. Усё-такі я ўжо даўно не гуляю за брэсцкае «Дынама», і ніякай гаворкі пра прынцыповасць быць не можа.
– Ці няма ўнутранага шкадавання, што чэмпіянат выходзіць на фінішную прамую?
– Чатыры гульні – таксама не маленькая адлегласць. За гэты час можа шмат што памяняцца. Што да нашай каманды, то ў цэлым мы роўна прайшлі чэмпіянат. Дзесьці ачкі страцілі, дзесьці набылі, але ўвогуле нам удавалася паказваць стабільны нядрэнны футбол, – сказаў Юдчыц.
