Гагнідзэ – пра кіпрскіх фанатаў: «Раніцай яны ідуць у царкву, а ўвечары жадаюць, каб дзеці памерлі ад раку. Шпілеўскі дзівіўся. Радзькоў не рэагуе на гэта»
Генеральны дырэктар «Арыса» (Кіпр, Д1) Павел Гагнідзэ распавёў пра правакацыi фанатаў клубаў-супернікаў.
– Чуў, фанаты АЕК карысталіся выбухным характарам Шпілеўскага і неміласэрна яго правакавалі падчас матчаў.
– Наогул, на Кіпры ў большасці клубаў заўзятары вельмі гарачыя. А ў некаторых яны – козыр, якія моцна дапамагаюць у хатніх матчах.
Гэтыя людзі рэальна ціснуць псіхалагічна на суддзяў, гульцоў і трэнераў суперніка. Аляксей, як чалавек эмацыйны, часам паддаваўся на правакацыі – і не толькі заўзятараў АЕК. Яны навісаюць над лаўкай і праклінаюць цябе!
Па ідэі кіпрыёты і грэкі вельмі рэлігійныя. Кожную нядзелю з раніцы яны ходзяць у царкву. І вось гэты ж чалавек, які з раніцы маліўся ў храме, увечары таго ж дня ідзе на стадыён і ў сваіх выкрыках жадае, каб твае дзеці памерлі ад раку. Шпілеўскі дзівіўся: «Гэта ж адны і тыя ж людзі! Як такое магчыма?!» Гаворка, вядома, не пра ўсіх заўзятараў, а пра нейкую іх частку.
– Радзькоў спакайней і ў адносінах да іх?
– Так, ён вельмі вытрыманы і не рэагуе на ўсё гэта, – сказаў Гагнідзэ.
