Гараўцоў пра зборную U-21: «Вы хочаце ўзарваць нейкую бомбу? Каб я выступіў, як гэта зрабіў Гурэнка?»
Галоўны трэнер «Гомеля» Андрэй Гараўцоў выказаўся пра вынікі матча другога тура вышэйшай лігі з «Мінскам» (0:2), а таксама пракаментаваў словы Сяргея Гурэнкі.
– Калі коратка, гульня да памылкі. Мы дапусцілі яе першымі. Далей спрабавалі, стваралі моманты, маглі не тое што зраўняць лік, але і больш забіваць. Але не атрымалася. Вось такі каментар.
– Чаму Марцінкевіч і Сіманенка пачалі матч на лаўцы запасных?
– Таму што яны прыбылі ў клуб учора, да вячэрняй трэніроўкі.
– І яшчэ па гэтай тэме. Учора Сяргей Гурэнка выказаў абурэнне наконт таго, што футбалісты моладзевай зборнай вярталіся дадому на аўтобусе з Аўстрыі трое сутак...
– Хлопцы, вы хочаце ўзарваць нейкую бомбу? Каб я выступіў, як гэта зрабіў Сяргей Вітальевіч? Я яго падтрымліваю, я таксама гэтым незадаволены. Але як ёсць. Што мы можам зрабіць? – сказаў Гараўцоў.
