У ФІФА прапрацоўваецца магчымы экстраны варыянт правядзення кваліфікацыі да чэмпіянату свету 2026 у выпадку, калі зборная Ірана адмовіцца ад удзелу ў турніры.

Як піша Goal.com са спасылкай на The Athletic, у гэтым выпадку можа быць створаны дадатковы міжкантынентальны адборачны плэй-оф з удзелам каманд з Азіі і Еўропы, якія не змаглі кваліфікавацца напрамую.

Іран пакуль заяўлены ў групе ЧС-2026 разам з Бельгіяй, Егіптам і Новай Зеландыяй, аднак ягоны ўдзел застаецца пад пытаннем. У выпадку зняцця каманды, ФІФА не плануе пераносіць яе матчы за межы ЗША, Канады і Мексікі, што падвышае верагоднасць рэалізацыі альтэрнатыўнага сцэнара.

Паводле папярэдніх звестак, разглядаецца фармат міні-турніру з удзелам дзвюх еўрапейскіх і дзвюх азіяцкіх зборных з ліку тых, хто не прайшоў кваліфікацыю.

Дзякуючы высокаму рэйтынгу сярод еўрапейскіх зборных сярод патэнцыйных удзельнікаў называюць Італію, якая не здолела кваліфікавацца на мундыяль у звычайным адборы. Таксама сярод магчымых суіскальнікаў згадваецца зборная ААЭ.

Канчатковае рашэнне па гэтым сцэнары пакуль не прынятае.

Чытайце таксама

Аўтар: cымон pушынскі

Крыніца: Goal.com