– У нас не атрымлівалася атакаваць так добра і небяспечна, як гэтага хацелася б. Ды і абараняліся не сказаць, каб паспяхова – занадта шмат дазвалялі суперніку на нашай палове поля. Паражэнне, хай нават і ад «Дынама» – для нас гэта негатыўны вынік сустрэчы. Балазе нарэшце згулялі на сваёй хатняй арэне. Нажаль, не выйшла парадаваць нашых заўзятараў. Гэта, вядома, сумна. Што ж, пастараемся як мага хутчэй выправіцца.

– Чаму ўсё ж не ўдалося пазбегнуць гэтай паразы?

– Мусіць, з-за сукупнасці прычын. З аднаго боку, нашы дзеянні былі нядосыць агрэсіўнымі, каб ствараць небяспечныя моманты ў чужых варот. З іншага боку, трэба адзначыць і тое, наколькі якасна абараняўся супернік. Усё ж абаронцы «Дынама» Раман Бегуноў, Уладзіслаў Калінін, ды і Сяргей Карповіч – гульцы зборнай Беларусі. Але мы павінны самі адшукваць магчымасці для таго, каб пераадольваць, узломваць і такую абарону. Ведаю дакладна: неабходны для гэтага патэнцыял у каманды ёсць. Але цяпер не атрымалася.

– Наколькі засмучаныя такім зыходам сустрэчы? Ці ён усё ж такі хутчэй справядлівы?

– Ні адзін спартсмен не любіць прайграваць. Цяпер, адразу пасля заканчэння матча, цяжка гэта пракаменціраваць. Таму «Дынама» – з перамогай. Гэта, напэўна, усё, што магу сказаць, – сказаў Пабудзей.

Чытайце таксама

Аўтар: Александр Литвинов

Крыніца: metaratings.by