Пабудзей пра нічыю з «Дняпром»: «Уклад Быкава неацэнны»
Хаўбек «Тарпеда-БелАЗ» Вадзім Пабудзей выказаўся пра нічыю з «Дняпром» (2:2) у матчы 4-га тура вышэйшай лігі.
– Нельга так праводзіць першыя таймы, а потым даставаць з сябе 150 працэнтаў намаганняў.
– Як думаеш, з чым звязана тое, што каманда прапусціла два галы ў кароткі прамежак часу?
– У гэты адрэзак матчу была недапрацоўка. Злёгку расслабіліся, і «Дняпро» адразу пакараў. Для нас гэта будзе ўрокам.
– Пра што казалі ў перапынку?
– І гульцы, і трэнерскі штаб разумелі, што можам усё змяніць. Нам паказалі памылкі, і на другі тайм мы выйшлі па-іншаму.
– За кошт чаго атрымалася выратаваць і адыграцца?
– Адыграцца ўдалося за кошт характару і Арцёма Быкава, яго ўклад неацэнны (33-гадовы паўабаронца аформіў дубль у матчы – Tribuna.com).
– Неяк віншавалі, дзякавалі яму?
– Калі б выйгралі – віншавалі б гучна. А так, пры нашым выніку, асабліва няма чаму радавацца. Але Арцём – малайчына!
– Як у камандзе ацэньваюць вынік? З аднаго боку, відавочна хацелася выйграць, з іншай прыйшлося адыгрывацца з 0:2...
– Для нас гэта адмоўны вынік. І ўсё роўна, што мы адыграліся з 0:2, – адзначыў Пабудзей.
