Ламін Ямаль: «Траўма пакідае мяне па-за полем у той момант, калі я больш за ўсё хацеў на ім быць»
Вінгер «Барселоны» Ламін Ямаль пракаментаваў пашкоджанне, з-за якога прапусціць астатак сезона.
«Гэтая траўма пакідае мяне па-за полем у той момант, калі я больш за ўсё хацеў на ім быць, і гэта баліць мацней, чым я магу растлумачыць. Балюча не мець магчымасці змагацца разам з маімі партнёрамі, не мець магчымасці дапамагчы, калі каманда ўва мне мае патрэбу. Але я веру ў іх і ведаю, што яны аддадуць усю душу ў кожным матчы.
Я буду побач, няхай і за межамі поля – буду падтрымліваць, заўзець і гнаць наперад як адзін з вас. Гэта не канец, гэта толькі паўза. Я вярнуся мацнейшым, з большым жаданнем, чым калі-небудзь, і наступны сезон будзе лепшым.
Дзякуй за вашыя паведамленні і хай жыве «Барселона», – напісаў Ямаль у сваім інстаграме.
У бягучым сезоне на рахунку Ламіна 24+17 у 45 матчах.
