Марціновіч пра Дыябатэ: «У кожнай гульні па 3–4 галявыя моманты. Павінна ж быць рэалізацыя хаця б чагосьці»
Былы галоўны трэнер «МЛ» Міхаіл Марціновіч падзяліўся меркаваннем пра нападаючага каманды Басэку Дыябатэ.
— Ён такі яршысты — вам не падаў руку...
– Тую сітуацыю мы ўжо абмяркоўвалі. Яна была вырашана адразу пасля гульні ў гэтай жа распранальні. Ён цудоўна разумеў усю адказнасць, якую нясе ў першую чаргу перад клубам, перад трэнерам, перад камандай. Тое, што ён яршысты — ён чалавек, які ведае сабе цану, які разумее, што ўжо гуляў на добрым узроўні і што можа гуляць на добрым узроўні.
Адзінае, магчыма, што выйшла бокам, – забітыя мячы, якія ён забіў. Напэўна, хлопец, магчыма, падумаў — выключна маё асабістае меркаванне — што на адной назе гэты чэмпіянат пройдзе.
Плюс мае калегі, журналісты, выказваліся пра яго станоўча, што гэта будзе галоўнае адкрыццё, што ён будзе забіваць. Зразумела, што ён усё гэта чытае. І, магчыма, гэта таксама выйшла бокам.
З ім ужо неаднаразова па ходзе чэмпіянату вяліся як асабістыя размовы, так і выказваліся пэўныя прэтэнзіі: у Марка Мокіна 4 галы, у Цімафея Сіманенкі — 5, у Карэна Варданяна — 4.
А тут разуменне таго, што ў нас ёсць добры форвард, а, прабачце, 5 гульняў 0+0. Добра, калі б момантаў не было. Але ж у кожнай гульні ў яго па 3–4 галявыя моманты. Павінна ж быць рэалізацыя хаця б чагосьці, — сказаў Марціновіч.
