Чыноўнік «аблвыканкама» Кузняцоў: «Рэканструкцыя стадыёна ў Дзяржынску падыходзіць да завяршэння»
Начальнік упраўлення спорту і турызму выканкама Лукашэнкi па Мінскай вобласці Раман Кузняцоў расказаў аб увядзенні ў строй новых спартыўных аб’ектаў на тэрыторыі яго рэгіёну.
Будаўніцтва стадыёна ў Дзяржынску пачалося ў 2022 годзе. Рэканструкцыю гарадскога стадыёна планавалі завяршыць у 2024 годзе.
Яўген Булойчык: «Стадыён у Дзяржынску будзе ўведзены ў эксплуатацыю ў 2025 годзе»
– Якія новыя аб’екты з’явіліся за апошні час на тэрыторыі вобласці, колькі з іх у сельскай мясцовасці і што ў планах?
– Развіццё спартыўнай інфраструктуры на Міншчыне – гэта прыярытэтны напрамак кіраўніцтва Мінскага «аблвыканкама». За апошнія пяць гадоў інвестыцыі ў нашу галіну сталі рэкорднымі.
Пабудаваны і ўведзены ў эксплуатацыю 11 спартыўных аб’ектаў, у тым ліку два - летась: гэта сучасная лыжаролерная траса ў Барысаве і фізкультурна-аздараўленчы комплекс у вёсцы Ляскоўцы Мінскага раёна. У цэлым на рэалізацыю інвестыцыйнай праграмы за гэты перыяд накіравана больш за 167 млн рублёў.
Работа па развіццю спартыўнай базы будзе прадоўжана і ў бягучым годзе. Гэта будаўніцтва фізкультурна-аздараўленчых комплексаў у Крупках і Нясвіжы, праектаванне такіх комплексаў у Заслаўі, Смалявічах, залы ў Слуцку, лыжаролернай трасы ў Стоўбцах і мадэрнізацыя лядовай арэны ў Жодзіне.
Пройдзе рэканструкцыя стадыёнаў са кладкай футбольных палёў са штучным пакрыццём ва Уздзе і Клецку. Да завяршэння падыходзіць рэканструкцыя гарадскога стадыёна ў Дзяржынску і залы барацьбы ў Старых Дарогах, – сказаў Кузняцоў.
У красавіку паведамлялася, што «Арсенал» плануе згуляць у Дзяржынску летам 2026 года.
