Гурэнка пра спарынгі зборнай Беларусі з Сірыяй і Буркіна-Фасо: «Я наогул на рэйтынгі не гляджу»
Галоўны трэнер «Віцебска» Сяргей Гурэнка выказаўся наконт бліжэйшых таварыскіх матчаў зборнай Беларусі.
Каманда правядзе два хатнія спарынгі на «нацыянальным» стадыёне ў Менску: 5 чэрвеня супраць Сірыі і 9 чэрвеня супраць Буркіна-Фасо.
– Па зборнай Беларусі пытанне. У чэрвені два таварыскія матчы – Сірыя і Буркіна-Фасо. Некаторыя заўзятары, абывацелі, спытаюць, што гэта за каманды такія? Але ў рэйтынгу яны вышэйшыя за нашыя.
– Я наогул на рэйтынгі не гляджу. Для мяне гэтыя рэйтынгі крыху, не ведаю, як быццам намаляваныя. Па-першае, гэта каманды з іншых кантынентаў. Іх гульню я не бачыў. Я не ведаю, якія футбалісты яны валодаюць. Па-другое, мы ўвогуле не ведаем, хто сюды прыедзе. І якія мэты ў іх, і якія мэты ў нас. Таму паглядзець, канешне, будзе цікава. Але высновы, па мне, трэба рабіць ужо ў афіцыйных матчах, – сказаў Гурэнка.
