Кірыл Забелін: «Кожны спрэчны момант – у бок мінскага «Дынама». Не звяртаць на гэта ўвагу немагчыма»
Нападаючы «Дняпра» Кірыл Забелін выказаўся пра судзейства ў матчы з мінскім «Дынама» (1:3) у 9-м туры вышэйшай лігі.
– «Дняпро» павёў, але не здолеў захаваць перавагу ў ліку. Што скажаце па выніку гульні? Чаго не хапіла?
– Тут усе пытанні да хлопца ў ружовым. Няхай ён вам адкажа.
Мы гралі і стараліся не зважаць, але гэта проста немагчыма. Кожны спрэчны момант – у бок «Дынама». Тут, мусіць, нават казаць пра гэта нельга.
– Гэта значыць, можна сказаць, што з-за судзейскіх рашэнняў «Дняпру» не ўдалося атрымаць перамогу?
– Ды не. Нельга ўсё на судзейства скідваць. Але калі мы гуляем добра, выйграем, і тут нейкі мінімальны кантакт… Нават не ведаю, ці можна гэта лічыць кантактам? Любы спрэчны момант – у бок «Дынама»! Больш мне няма чаго дадаць, – сказаў Забелін.
