Фаваз Абдулахі: «Калі атрымаю пашпарт, то заўсёды буду гатовы дапамагчы зборнай Беларусі»
Нігерыйскі паўабаронца мінскага «Дынама» Фаваз Абдулахі пракаментаваў інфармацыю пра атрыманне беларускага пашпарта.
– Ці будзе для цябе гонарам гуляць за Беларусь?
– Я люблю Беларусь. У мяне выдатныя адносіны з мясцовымі хлопцамі, тут жывуць добрыя людзі. Я ўжо тры гады тут – калі б мне не падабалася, не заставаўся б так доўга. Вядома, цяпер мой галоўны прыярытэт – поспех «Дынама» ў чэмпіянаце і Лізе канферэнцый. Але калі так здарыцца, што атрымаю пашпарт, то заўсёды буду гатовы дапамагчы зборнай Беларусі. Я ганаруся тым, што гуляю за «Дынама» Мінск, і буду вельмі шчаслівы стаць часткай гэтай краіны. Для мяне гэта было б неверагодна. Але, паўтаруся, цяпер трэба аддаваць усе сілы за свой клуб, – сказаў Абдулахі.
Па правілах ФІФА гульня за зборную ў такой сітуацыі магчыма толькі пасля пяці гадоў бесперапыннага выступу за клубы той жа краіны. Нагадаем, што Абдулахі на правах арэнды перайшоў у «Гомель» у жніўні 2024 года. У студзені 2025-га футбаліст перайшоў у «Хімкі» (Расія, Д3), а ў канцы чэрвеня 2025 года падпісаў кантракт з мінскім «Дынама».
