Спэтару пра торт ад заўзятараў «Нёмана»: «Гэта першы раз, калі мяне так павіншавалі з днём нараджэння»
Малдаўскі вінгер «Нёмана» Дан Спэтару распавёў пра сваю рэакцыю на віншаванне заўзятараў пасля матча з «Баранавічамі» (2:1) у 9-м туры ЧБ.
У дзень гульні паўабаронцу споўнілася 32 гады.
– Адразу пасля матчу заўзятары з Гродна ўручылі табе торт. Наколькі гэта было нечакана? Ці здараліся ў тваёй кар’еры такія кранальныя моманты раней?
– Вялікі дзякуй ім, вельмі прыемна, што людзі павіншавалі такім чынам. Буду старацца ў далейшым цешыць іх сваёй гульнёй, дапамагаць камандзе, гораду. Гэта першы раз, калі мяне так павіншавалі балельшчыкі.
– У чэмпіянаце Беларусі ты адзіны легіянер з Малдовы. Ці адчуваеш асаблівую ўвагу з боку прэсы ці заўзятараў?
– Мае сябры і знаёмыя гулялі тут, я размаўляў перад прыходам у «Нёман». Што да заўзятараў, то яны ў нас класныя, падтрымліваюць усіх хлопцаў.
– Ты часта адзначаеш выдатную атмасферу ў калектыве. Як цябе павіншавалі партнёры па камандзе і Ігар Кавалевіч? Ці былі жарты ці пажаданні ў распранальні?
– У любой камандзе бываюць добрыя і дрэнныя часы, звязаныя з вынікамі, але мы імкнемся ісці далей – выпраўляць памылкі, пакідаць добрае. У нас заўсёды свае жарты, і хлопцы, вядома, павіншавалі, дзякуй ім вялікі. Але гэта наша ўнутраная кухня, так што пакіну гэта пры сабе, – сказаў Спэтару.
