Адыеў пасля 2:1 з «Нёманам»: «Рады, што трапіў з заменамі і што Жук і Галята прынеслі «МЛ» перамогу»
Галоўны трэнер «МЛ» Магамед Адыеў выказаўся пра перамогу над «Нёманам» (2:1) у 10-м туры вышэйшай лігі.
– Першы тайм не вельмі атрымаўся ў вашай каманды. Чаму?
– У нас і ў мінулым матчы не атрымаўся першы тайм. У папярэдніх сустрэчах першая палова была нашай «фішкай» – мы паскаралі тэмп гульні. А ўжо ў другім тайме ўзнікалі праблемы. Цяпер усё змянілася. Думаю, супернікі вывучылі наш стыль гульні. Трэба аддаць належнае «Нёману» – іх гульцы пры падтрымцы заўзятараў былі вельмі агрэсіўныя і выйгравалі шмат адзінаборстваў.
– У вас быў абмежаваны рэзерв – адсутнічалі Балановіч і Волкаў. Але заменамі, як я разумею, задаволены: Галята аддаў асіст, Жук забіў мяч.
– Вядома, ракіроўкі паўплывалі на нашу гульню. Разумелі, што рэсурс лаўкі запасных у гэтым матчы будзе абмежаваны. Рады, што трапіў з заменамі і хлопцы прынеслі нам гэтую важную перамогу, – адзначыў Адыеў.
