Кавалевіч пра 36-гадовага Казлова ў зборнай: «Ганчарэнка – найлепшы трэнер Беларусі. Пепэ ў 42 гуляў у аснове Партугаліі»
Галоўны трэнер «Нёмана» Ігар Кавалевіч пракаментаваў выклік 36-гадовага паўабаронцы каманды Міхаіла Казлова ў зборную Беларусі.
– Міхаіл Казлоў у 36 гадоў атрымаў выклік у зборную. Раней вы казалі, што Карлас Алос недаацэньваў яго.
– Для глуханямых тлумачу: у футбол гуляюць людзі, а каманду трэніруе трэнер. У асобе Віктара Ганчарэнкі зборная Беларусі атрымала настаўніка, які абыгрываў «Рэал».
Пепэ ў зборнай Партугаліі ў 42 гады гуляў у асноўным складзе. Вы лічыце, што ў Партугаліі няма цэнтральных абаронцаў маладзейшых або лепшых за Пепэ? Але трэнер палічыў, што Пепэ найлепшы. Так і Віктар Ганчарэнка палічыў, што Міхаіл Казлоў адпавядае ўзроўню гульца зборнай, а ён ужо даўно адпавядае.
Думаю, што Віцю не прынясуць спіс гульцоў, якіх трэба выклікаць. Таму ён – найлепшы трэнер Беларусі на ўсе часы. Казлова ў зборную не запісвалі па званках і запісках, а яго выклікаў сур’ёзны трэнер, – сказаў Кавалевіч.
