Ігар Анцыпаў: «Не маёй ініцыятывай было прыбраць Яўгена Капава з «Дняпра»
Экс-спартыўны дырэктар «Дняпра», а цяпер генеральны дырэктар БАТЭ, Ігар Анцыпаў пракаментаваў адстаўку з магілёўскага клуба Яўгена Капава ў канцы мінулага сезона.
«Не маёй ініцыятывай было прыбраць Яўгена Капава ў той сітуацыі, якая адбывалася ў клубе напрыканцы сезона ў першай лізе. Былі незразумелыя гульні і вынікі на той момант. Калі мы вырашалі задачу выхаду ў вышэйшую лігу, каманда рэзка перастала гуляць. На той момант старшыня клуба асабістым рашэннем (са мной, па вялікім рахунку, яно не было ўзгоднена) абвясціў, што каманду апошнія два туры будзе ўзначальваць памочнік. У той момант мы і сталі шукаць трэнерскі штаб, хоць былі крыху іншыя планы. Не магу сказаць нічога дрэннага пра спецыяліста. Ён атрымаў каманду ў аўральным фармаце, калі было зачынена трансфернае акно і ў яго не было магчымасці яе ўзмацніць. Па выніку яму прыйшлося працаваць з тым калектывам, які яму дастаўся ад папярэдняга трэнера. У канцоўцы, магчыма, па неспрактыкаванасці ён не зладзіўся. У калектыве ёсць цікавейшыя і мне «незразумелыя» людзі», – сказаў Анцыпаў.
