«Гэта неверагодны, гістарычны дзень. Два гады запар – гэта вельмі складана. Ліга чэмпіёнаў – надзвычай складаны турнір. Я неверагодна ганаруся камандай, трэнерам, штабам і заўзятарамі. Усе зноў сумняваліся ў нас, але, дзякуй Богу, мы гэта зрабілі, бо верылі ў сябе.

Луіс Энрыке сапраўды асаблівы – як трэнер, як чалавек, як асоба. Ён фантастычны. Гэта найлепшы трэнер у свеце. Ён выканаў неверагодную працу з камандай. У нас маладая каманда, вы ведаеце гэтую гісторыю. Я таксама хачу падзякаваць гульцам «ПСЖ» – гэтая перамога і для іх. Яны ўсе аддалі сябе гэтаму праекту.

Дзве перамогі запар у ЛЧ – гэта неверагодна. У перапынку я сказаў сваім хлопцам, што мы пераможам. Абяцаю вам, я адчуваў гэта яшчэ да матча, хоць ведаў, што будзе цяжка. «Арсеналу» не пашанцавала – гэта выдатная каманда, фантастычная каманда. Жадаю ім усяго найлепшага, вялікая павага да іх.

Падпісанне новых гульцоў? Кажу вам, абяцаю, у нас усё добра. Вядома, мы будзем працаваць на трансферным рынку.

Ці застанецца Энрыке на чале каманды? Ён найлепшы трэнер. Я не магу прама адказаць на гэтае пытанне, але я вельмі ўпэўнены ў ім. Усё залежыць ад праекта, і ён – найлепшы чалавек для гэтага праекта», – сказаў Аль-Хелайфі.

«ПСЖ» выйграў Лігу чэмпіёнаў другі раз у сваёй гісторыі. Гэта таксама другая перамога запар – у мінулым сезоне каманда ў фінале разграміла «Інтэр» (5:0).

Чытайце таксама

Аўтар: Dzmitry Antonau

Крыніца: BBC