Нямецкі эканаміст, які прадказаў пераможцаў трох мінулых ЧС, назваў Нідэрланды фаварытам турніру
Нямецкі эканаміст Ёахім Клемент апублікаваў прагноз на чэмпіянат свету па футболе 2026 года, заснаваны на яго ўласнай матэматычнай мадэлі.
Паводле разлікаў спецыяліста, тытул заваюе зборная Нідэрландаў.
Раней статыстычная мадэль Клемента тройчы запар беспамылкова вызначала будучага чэмпіёна свету: Германію ў 2014 годзе, Францыю ў 2018-м і Аргенціну ў 2022-м.
Сістэма таксама змадэлявала ход усяго будучага турніру. Паводле разлікаў, Англія дойдзе да паўфіналу, дзе саступіць Партугаліі. У другім раўндзе плэй-оф прагназуецца сенсацыйная перамога Японіі над Бразіліяй, а таксама вылет Шатландыі ад Паўднёвай Карэі.
Для складання прагнозу мадэль улічвае шэраг фактараў: колькасць насельніцтва, узровень эканамічнага развіцця краіны, кліматычныя ўмовы і пазіцыю зборнай у рэйтынгу ФІФА.
Сам Клемент пазначае, што першапачатковай мэтай даследавання было паказаць празмерную самаўпэўненасць экспертаў пры прагназаванні спартыўных падзей, дзе не менш важную ролю адыгрывае звычайная удача.
