На ЧС-2026 усе заяўленыя гульцы будуць выстрайвацца ў цэнтральным крузе падчас выканання гімнаў
ФІФА абвясціла пра змены ў правілах перадматчавай цырымоніі на чэмпіянаце свету-2026, згодна з якімі ўсе гульцы з заяў абедзвюх зборных будуць выстрайвацца ў цэнтральным крузе поля падчас выканання гімнаў краін.
У прыватнасці, у абноўленай цырымоніі арганізатары будуць разварочваць велізарныя банеры са сцягамі краін-удзельніц матча, а футбалісты будуць выходзіць на газон праз спецыяльную арку, размешчаную як мага бліжэй да тунэля.
ФІФА заявіла, што ідэя змен палягае ў тым, каб кожны, хто знаходзіцца на стадыёне, меў кругавы агляд таго, што адбываецца.
Таксама арганізацыя анансавала, што на пазнейшых стадыях мундыялю ў перадматчавую цырымонію дададуць элементы, такія як каляровы дым і піратэхнічныя шоу.
«Па меры пашырэння чэмпіянату свету мы працягваем укараняць інавацыі ў спосабы ўспрымання гульні.
Тое, што ўсе гульцы і суддзі стануць тварам адзін да аднаго ў цэнтральным крузе падчас выканання нацыянальных гімнаў, створыць момант адзінства, гонару і эмоцый, які сапраўды належыць камандам і кожнаму з нас.
Чэмпіянат свету – гэта пра кожнага гульца і кожнага заўзятара, і гэтая новая перадматчавая цырымонія адлюстроўвае гэта», – сказаў прэзідэнт ФІФА Джані Інфанціна.
