Кроас правёў амаль ідэальны за зборную на Еўра-2024, але адзінае, што яго хвалюе – фінал НБА

Германія пачала дамашні чэмпіянат Еўропы па футболе упэўненай перамогай над Шатландыяй з лікам 5:1. Легендарны паўабаронца Тоні Кроас, які ўжо завяршаў кар'еру ў зборнай, але вярнуўся спецыяльна для ўдзелу ў хатнім Еўра, стаў адным з герояў сустрэчы, правёўшы амаль ідэальны матч.

Кроас зрабіў 102 перадачы. 101 з іх была дакладнай – Тоні памыліўся толькі раз за ўвесь матч.

Аднак немец ніяк не выказваў сваіх эмоцый у сетцы пасля такога топавага матчу. Адзінае, што яго хвалюе – гэта фінал НБА. Уначы там быў згуляны чацвёрты матч, Далас разграміў Бостан 122:84 і скараціў адставанне ў серыі да чатырох перамог (цяпер лік 1-3).

Тоні рэпостнуў твіт «Даласа» з вынікам сустрэчы і падпісаў яго «Нічога не завершана, пакуль не завершана», з чаго можна зрабіць вынік, што ён верыць у камбэк каманды з Тэхаса.

Зусім нядзіўна, што Тоні падтрымлівае ў фінале менавіта «Далас». Па-першае, за гэтую каманду гуляе славенец Лука Дончыч, які зрабіў сабе імя ў Еўропе, гуляючы за баскетбольную каманду мадрыдскага «Рэала» (не забыліся ж, што Тоні большую частку карʼеры правёў менавіта ў гэтым клубе?).

Па-другое, галоўная легенда «Даласа», з якой клуб выйграў сваё першае і пакуль адзінае чэмпіёнства ў гісторыі, немец Дзірк Навіцкі – суайчыннік Тоні. Менавіта Дырк папулярызаваў «Далас» у Еўропе, а асабліва ў Нямеччыне.