Беларускi футбалiст няўдала з’ездзiў у Казахстан – не тое што жонка, якая зрабіла там грудзi (розніцу лёгка заўважыць)

Нападаючы Руслан Цевераў летам мінулага года вярнуўся ў родны «Віцебск» пасля легіянерскага перыяду ў «Жетысу». У казахстанскім клубе ў гульца не склалася – у 13 матчах чэмпіянату ён вызначыўся двума забітымі мячамі, пасля чаго з ім спынілі супрацу. Футбалiст сам прызнаваў, што за мяжою не зайграў, хаця i не тое каб шкадаваў пра досвед.

Руслан Цевераў: «У Казахстане ўбачыў, што такое, калі за цябе заўзеюць, пазнаюць, адчуў сябе сапраўдным футбалістам»

З «Вiцебскам» Цевераў выйшаў у «вышку» i сезон-2024 у ёй праводзiць нядрэнна: у 12 матчах адзначыўся чатырма мячамі. Тры з іх былi забiтыя ў красавіку i прынеслi «Вiцебску» пункты: у матчы з «Арсеналам» гол Цеверава даў нiчыю 1:1, «Слуцку» гулец аформiў пераможны мяч, а ў сустрэчы з БАТЭ – адзіны.

БАТЭ копит рекорды по худшему старту – столько поражений последний раз было в XX веке

А ў свежым матчы 13-га тура супраць «Дняпра» Цевераў адкрыў лiк – абакраў абаронцаў і пракінуў мяч міма галкіпера дакладна ў браму. «Вiцебск» у вынiку выйграў 2:1.

ВІДЭА

Цяпер «Віцебск» з 21 пунктам ідзе на шостым месцы – вельмi нядрэнна для каманды, якая толькi вярнулася з першай лiгi.

А тым часам жонка Цеверава Анастасія паралельна сезону ЧБ вырашыла апублiчыць даволi iнтымную гiсторыю. Дзяўчына, якая пазіцыянуе сябе як мадэль і відэааператарку, падзялілася з 4 тысячамi падпісчыкаў у Instagram падрабязнасцямi таго, як зрабіла пластычную аперацыю на грудзях. Цеверава «не хавае і не саромеецца» таго, што грудзі «не яе», і ўпэўненая, што яе досвед можа апынуцца карысным для іншых.

Па словах Цеверавай, грудзi не былi яе праблемай да цяжарнасцi – у жнiўнi 2022-га дзяўчына нарадзiла сына Льва. Пасля гэтага яе скура, як выразiлася Цеверава, ніяк «не ўцягвалася» назад, што не падабалася маладой мацi. Пасля гэтага яна дамовілася з мужам, што аперацыя стане ягоным падарункам з нагоды нараджэння сына.

Канкрэтна рыхтавацца да аперацыі Цеверава, выконваючы рэкамендацыі, стала праз шэсць месяцаў пасля заканчэння груднога гадавання. Тады пара ўжо жыла ў Казахстане, але дзяўчына збіралася рабіць аперацыю ў Беларусі. Аднак анлайн-кансультацыі з беларускімі хірургамі Цеверавай не спадабаліся – медыкi, паводле яе слоў, «запалохалі, сказалі нейкую лухту незразумелую». Пасля гэтага дзяўчына вырашыла пашукаць у інтэрнэце казахстанскага доктара – такі знайшоўся ў Алмаце, у 250 кіламетрах ад Талдыкаргана, дзе базуецца «Жэтысу».

Цеверава паехала на асабістую кансультацыю – там ёй дыягнаставалі апушчэнне грудзей трэцяй ступені, з-за чаго параілі якарную падцяжку, пасля якой застаецца мноства швоў і рубцоў, затое гарантавалі эфектыўнасць і магчымасць «шліфоўкі» слядоў. Цеверава пагадзілася, прайшла патрэбныя абследаванні і ўзгадніла дату аперацыі. Па словах дзяўчыны, падчас умяшання яна знаходзілася на ШВЛ – ведала пра гэта загадзя і баялася, але ў выніку ўсё прайшло выдатна.

Самымі складанымі аказаліся першыя дні пасля працэдуры – дазволеныя абязбольвальныя сродкi былi «слабаватымi», i дзяўчына не магла нічога зрабіць рукамі, нават націснуць на дзвярную ручку. Таксама дзяўчыну затрымалі ў шпіталі на тры ночы – гэта больш, чым звычайна – з-за вялікай колькасці вадкасці, якую трэба было выводзіць з грудзей праз дрэнажную сістэму. У цэлым жа яна заставалася ў Цеверавай 10 дзён, але жыць не мяшала – дзяўчына нават паехала з мужам і сынам назад у Алматы дзеля шпацыру і наведвання парку атракцыёнаў.

Абязбольвальная дзяўчына перастала прымаць праз тыдзень пасля аперацыі, а праз месяц ёй знялі швы і дазволілі днём не насіць кампрэсiйную бялізну. Вярнулася ў залу Цеверава яшчэ праз месяц, але практыкаванні на грудзі пачала толькі праз паўгода з моманту ўмяшання – да гэтага адчувала дыскамфорт. Цеверавай нават не спатрэбілася няня, хоць дзяўчына дамаўлялася пра гэта з мужам. Аднак добрае аднаўленне яна лічыць вельмі важным для канчатковага поспеху пластыкi.

У цэлым Цеверава раіць дзяўчатам не баяцца гэтай аперацыі, таму што боль хоць і неслабая, але цярпiмая, асабліва ў параўнанні з некаторымі іншымі рэчамі. «Я перажыла кесарава ў дзяржаўным радзільным доме. Што можа быць горш?» – сказала дзяўчына, праз паўзу з вельмi сур’‎ёзным тварам дадаўшы, што жартуе. А таксама выдала думку, што, маўляў, «усё можна перажыць, перацярпець дзеля выніку», i цяпер яна, надзяваючы «прыгожую бялiзну», думае, што «гэта дакладна было варта зрабiць».

Чаго ў вынiку дамаглася Цеверава? Вось яе фота трохгадовай даўнiны, да цяжарнасцi.

А вось здымак ужо пасля аперацыi.