Здаецца, трэці мяч Нідэрландам дапамаглі забіць выпадковыя красоўкі – паглядзіце, як яны перашкаджалі брамніку

2 ліпеня Нідэрланды разграмілі Румынію 3:0 у 1/8 фіналу Еўра. У першым тайме лік адкрыў Кодзі Гакпа. У другім двойчы вызначыўся Доніэл Мален, які выйшаў на поле пасля перапынку.

Цікавым атрымаўся другі мяч форварда дортмундскай «Барусіі». Перад трэцім голам у матчы на ​​поле выбег заўзятар. Парушальніка ўдалося затрымаць, сустрэчу аднавілі, але вось на полі засталіся красоўкі фаната, якія валяліся проста ў штрафной Флорына Ніцу. На 90+3-й хвіліне Нідэрланды злавілі румынаў на контратацы. Мален, пачаўшы рывок са сваёй паловы поля, ужо набліжаўся да штрафной, спрабуючы абгуляць не толькі абаронцаў, але і абутак, які быў на яго шляху.

ВІДЭА

Тым часам кіпер Румыніі, замест таго каб засяродзіцца на Малене, пачаў выбіваць красовак, які валяўся побач.

Магчыма, менавіта таму ён і прапусціў трэці мяч у свае вароты.