Зеніт - Барусія Дортмунд

Вітаем вас на стадыёне "Пятроўскі", дзе сёння барацьбу пачне віцэ-чэмпіён Германіі і фіналіст мінулай Лігі Чэмпіёнаў дортмундская Барусія

Зноў "жоўта-чорныя" "Back the USSR" у першым раўндзе плэй-оф, але зараз замест даволі цёплага Данецка - халодны і таямнічы Санкт-Пецярбург.

Супернік: Зеніт.

На маю думку, выдатны варыянт. Лепш толькі Алімпіякос, але тут пашанцавала Манчэсцер Юнайтэд. Дзеючыя чэмпіёны Расіі са скрыпам выйшлі са сваёй групы, набраўшы 6 балаў (удвая менш, чым Напалі, які прапусціў наперад Барусію і Арсенал). Але не гэта павінна хваляваць расіян. Сама гульня, якую дэманструюць "бела-блакітныя" не вельмі прывабная ў апошніх матчах. І гэта нягледзячы на россып зорак: Халк, Вітцэль, Ломбертс, Аршавін, Шырокаў, Нету.

З дапамогай чаго Барусія можа дасягнуць добрага выніку:

1. Рэалізацыя сваіх момантаў. Ройс і Левандоўскі зразумеюць, пра што я кажу. Іх промахі ў матчы з Марсэлем маглі адправіць Барусію ў крыху іншы плэй-оф. Добра, калі есць такой гулец, як Гроскройц.

2. Сканцэнтраваная гульня ў абароне. Пасля 0-3 ад Гамбурга, упэўнены, вынікі будуць зроблены і ў матчы з Зенітам такога не будзе дакладна.

3. Азлобленасць пасля непрыемнай паразы.

4. Самаўпэўненасць Зеніта. "Ды што гэта Барусія!", "Яны 0-3 прайгралі Гамбургу, які стаіць на вылет, ну а мы таксама іх адолеем" і г. д.

У адносінах да гэтага матчу хочацца аднаго: каб не было 0-0, ні шэрых, ні жвавых. Вельмі хочацца, каб каманды парадавалі забітымі мячамі, асабліва Барусія. 

Удачы Дортмунду!