«З маленькага ўзросту я марыла быць знакамітай». Правілы жыцця Мяліты Станюты

Меліціна Станюта — беларуская гімнастка, шматразовая прызёрка чэмпіянатаў свету і Еўропы. Праўнучка выбітнай акторкі, легенды Купалаўскага тэатра Стэфаніі Станюты.

У 2009 годзе на дэбютным для яе чэмпіянаце свету ў пятнаццацігадовым узросце Мяліта выйграла бронзавы медаль у практыкаваннях з абручом, «срэбра» у камандным першынстве і заняла чацвёрты радок у фінале шматбор’я.

У сезоне 2013 года Станюта прыняла ўдзел амаль ва ўсіх этапах Кубка свету і турнірах серыі Гран-Пры, нязменна займаючы прызавыя месцы як у мнагабор’і, так і ў фіналах асобных відаў. У Бухарэсце яна з трыумфам выйграла мнагабор’і, а таксама фіналы з мячом, булавамі і стужкай, і затым паўтарыла гэта дасягненне на турніры ў Пезара, узяўшы, акрамя «золата» у аналагічных дысцыплінах, срэбны медаль у практыкаванні з абручом. Па выніках пройдзеных чатырох этапаў Кубка свету Станюта ўзначаліла міжнародны рэйтынг гімнастак не толькі ў мнагабор’і, але і ў асобных відах.

«Наша Ніва» даведалася, па якіх правілах жыве наша зямлячка-чэмпіёнка.

Відэа Мікіты Недаверкава і Настассі Храловіч, «Наша Ніва»