Беларуская прычына, чаму Крумкачы патрэбны Вышэйшай лізе ДАКУМЕНТЫ

Крумкачы патрэбны Вышэйшай лізе не толькі таму, што паказваюць добрую гульню і цікавыя заўзятарам - гэта каманда самая беларускамоўная і нацыянальнаарыентаваная сярод усіх каманд 1-й лігі, у той час як Дняпро самы антыбеларускамоўны сярод футбольных клубаў ва ўсіх лігах беларускага (!) чэмпіянату. 

Гдядзіце самі: 

- у Крумкачоў беларуская назва напісаная па-беларуску

- афішы клуба беларускамоўныя 

- у сацсетках клуба ў цэлым вытрымліваецца моўны парытэт паміж дзяржаўнымі мовамі Беларусі

- прадстаўнікі клуба вольна і без праблем размаўляюць па-беларуску (праверана).

Акрамя гэтага, нельга забываць, што ў 1-ю лігу воляю лёсу трапіў адзін з флагманаў беларускай мовы ФК Гомель і карысней для Беларусі, яе мовы і культуры будзе, калі на яго месца прыйдуць беларускія Крумкачы.

Упэўнены, што з выхадам у Вышэйшую лігу ў Крумкачоў і дыктар з'явіцца беларускамоўны, і прозвішчы гульцоў будуць напісаны на форме па-беларуску (што натуральна, пры такой назве клуба), і хоць бы палова сацыяльных сетак стане цалкам беларускамоўнымі (напрыклад той жа Фэйсбук, якога клуб яшчэ не мае). Упэўнены, што са з'яўленнем сайта на ім таксама будзе нараўных з англійскай і беларукая версія.

Упэўнены, што ў Вышэйшай лізе беларуская мова і культура ў Крумкачоў будзе развівацца і ў іншых накірунках, а тым самым акрамя прыгожага спартыўнага відовішча клуб паралельна будзе выконваць і асветніцкую працу, паказваць беларусам, што значыць людзьмі звацца, спадзявацца толькі на сябе, паважаць себе і свае карані, ведаць, хто мы ёсць.

Ад Дняпра нічога гэтага чакаць не прыходзіцца. Вось дакументы, што кажуць самі за сябе.

Адзіны промень сьвятла ў магілёўскага клуба - гэта яго адданыя фанаты і заўзятары, што шануюць і выкарыстоўваюць беларускую мову, і да якіх у мяне вялікая павага. Вы - пакуль адзінае добрае, што ёсць у Дняпра. Але ўсё змяняецца, а фанаты і Дняпро ёсць заўжды.