Сяргей Сафар'ян: на БТ павінна быць не менш за 50% футбольных трансляцый па-беларуску ДАКУМЕНТ

Першы намеснік старшыні Беларускай федэрацыі футбола Сяргей Сафар'ян паведаміў наступнае:

"Беларуская федэрацыя футбола заўжды вельмі адказна ставіцца да пытання выкарыстання беларускай мовы ў сваёй дзейнасці. АБФФ з'яўляецца бадай што першай з спартовых арганізацый у Беларусі, якая паслядоўна прасоўвае беларускую мову ў сваёй працы. Сярод іх акрамя іншага наступныя захады:

• гэта і наша патрабаванне да дамовы з БТ, каб не менш за 50% матчаў чэмпіяната Беларусі каментаваліся па-беларуску;
• адмысловыя перадачы аб беларускім футболе па-беларуску;
• рэкламныя ролікі па-беларуску;
• разнастайная беларускамоўная друкаваная прадукцыя;
• іншае ввкарыстанне беларускай мовы ў АБФФ.

Безумоўна, мы разумеем, што шмат чаго яшчэ можна і трэба зрабіць у накірунку папулярызацыі беларускай мовы, таму мы вельмі ўдзячны за Вашу працу і за Вашы прапановы па пашырэнню выкарыстання беларускай мовы ў беларускім футболе."

Хочацца спадзявацца, што клубы, якія яшчэ або не выкарыстоўваюць беларускую мову, або выкарыстоўваюць яе ў недастатковай колькасці, будуць у далейшым браць прыклад з АБФФ.