Рэжымная гімнастка пахвалілася дарагой пакупкай – заходнiм аўто з асаблiвым нумарам
Дзясяткi тысяч долараў.
Алімпіяда ў Парыжы, што ўжо стала гісторыяй, не дае спакою беларускай падпісантцы за рэжым з мастацкай гiмнастыцы Аліне Гарнасько, якая на Гульнi не трапiла, не атрымаўшы допуску на адборы. На днях спартсменка дала інтэрв’ю рэжымнаму ТБ, у якім зноў у кантэксце свайго пропуску АГ паскардзілася на «несправядлівасць у гэтым свеце» – хаця для прыхiльнiкаў Лукашэнкi несправядлiвасць, здавалася б, павiнна быць звыклай часткай жыцця.
Але Гарнасько не толькi енчыць. На днях у сваіх сацсетках гiмнастка выклала фота з аўтамабілем Tesla Model Y бутэлькавага колеру, які назвала «ізумрудачкай». Ды паказала, што нумар у яе не просты – утрымлiвае тры дзявяткi.
«Скажу шчыра, што задаволеная вельмі. Далікатна, хутка, плыўна, зручна і, натуральна, вельмі прыгожа», – напісала яна пра свой новы транспарт.
Новая Tesla Model Y на сайце вытворцы ацэньваецца ў 31-38 тысяч долараў у залежнасцi ад камплектацыi. Гэта дазваляе ёй не трапляць пад санкцыi – ЕС у чэрвенi забаранiў увоз у Беларусь аўтамабiляў, якiя каштуюць больш за 50 тысяч еўра. Зрэшты, i гэтыя абмежаваннi абыходзяць – адзiн з памагатых, дарэчы, быў звязаны з белспортам.
Он спасал футбол в Чисти, а сейчас обходит санкции к России – обещает пригнать любую Tesla
У Беларусi можна знайсцi варыянты продажу ўжо ўвезеных у краiну Y. Напрыклад, за аўтамабіль 2021 года выпуску просяць 30,5 тысячы долараў.
А вось за аўто 2024 года з салонам з натуральнай скуры ўжо хочуць пад 60 тысяч долараў.
У машыне Гарнасько салон, здаецца, стандартны, белага колеру.
У машыне ёсць экран, на якім адлюстроўваецца стан аўтамабіля i навігацыя, а таксама ёсць доступ да дадаткаў. У свежых Y ёсць нават рэжым мікрафона з вывадам на экран тэкстаў песень, але даступны ён толькі на паркоўцы.
Tesla не першы аўтамабіль спартсменкі. Як пicала сама Гарнасько, яшчэ ў лютым 2021-га яна набыла белую Toyota Rav4.
Іншыя пасты карыстальніка
