У гасцях у чэмпіёна. Прэв'ю да матча з БГК

Пра гісторыю клуба і змены ў міжсезонні можна пачытаць у нашым папярэднім анонсе па спасылцы.

Першы афіцыйны матч каманда з Брэста згуляла 30 жніўня. З гэтага часу праведзена ўжо 15 матчаў. Вось іх вынікі: 

У чэмпіянаце Сяргей Бябешка і Андрэй Мачалоў праводзяць актыўную ратацыю і выкарысталі ўжо 30(!!!) гульцоў:

У папярэднім матчы супраць "Машэкі" Андрэй Мачалоў і Павел Башкін выпусцілі на пляцоўку ажно 14 сваіх выхаванцаў:

БГК (Брэст) - Машэка (Магілёў) 36 - 22БГК (Брэст): Уладзімір Корсак, Віталь Чарапенька; Андрэй Юрынок (8), Андрэй Яшчанка (4), Алег Астрашапкін (4), Максім Мачалоў (3), Арцём Сельвясюк (3), Уладіслаў Наўмук (3), Ягор Будэйка (3), Мікіта Лашчакоў (2), Вячаслаў Шумак (2), Павел Дарафееў (1), Арцём Кулак (1), Руслан Сацюк (1), Данііл Вергейчык (1), Валянцін Сілко.

Перадматчавы каметарый

Дырэктар "Віцязя" Аляксандр Апейкін падзяліўся меркаванем пра матч з БГК:

- Трэба рэалістычна глядзець на рэчы. Няма ніякага сэнсу хаваць тое, што бягучы чэмпіянат праходзіць па формуле "4 + 2", дзе відавочнымі фаварытамі выступаюць СКА і БГК. Тым не менш, месца за бронзу цалкам вакантнае. У нас ёсць свае турнірныя задачы, і ў адпаведнасці з ім мы працуем над сваімі тактычнымі прыярытэтамі.

Для клуба нашага фармату зараз вельмі напружаны адрэзак, і мы павінны раўнамерна размеркаваць нагрузку. У мінулую нядзелю выдалі баявы паядынак з "Кронанам", у якім вельмі жадалі ўзяць першыя ачкі. За шанцы ў такіх матчах прыходзіцца расплачвацца траўмамі вядучых гульцоў. Праз два дні пасля матчу з БГК нас чакае вельмі важная хатняя гульня з "Машэкам" - прамым канкурэнтам за выхад ў асноўную "чацвёрку".

Вядома, усе гэтыя фактары мы будзем улічваць у матчы ў Брэсце 15 кастрычніка. Пастараемся вытрымаць, атпрацаваць камандныя ўзаемадзеянні з прыцэлам на матч супраць магілёўцаў.

Кароткія звесткі

Месца ў чэмпіянаце Беларусі 2016/17: 1.

Перамогі ў чэмпіянаце Беларусі: 9 (2004, 2005, 2006, 2007, 2008, 2014, 2015, 2016, 2017).

Прыйшлі ў каманду: Павел Горак (Эрланген, Германія), Іван Мацкевіч (Сцяўа, Румынія), Петар Джорджыч (Фленсбург, Германія), Канстанцін Ігропула (Колдынг, Данія), Аляксандр Шкурынскі (СКІФ, Расія), Від Патэка (Цэле, Славенія), Алег Астрашапкін (Чурго, Венгрыя, канец арэнды), Арцём Сельвясюк (Мезекевешд, Венгрыя, канец арэнды).

Сышлі з каманды: Уладзіслаў Астравушка (Кадэттэн, Швейцарыя), Іман Джамалі (Веспрэм, Венгрыя, канец арэнды), Павел Ацьман (Гановер, Германія), Дайныс Крыштапанс (Вардар, Македонія) і Максім Бабічаў (Матор, Украіна).

Трэнер: Сяргей Бябешка.