Чым сёння жыве трэнер-поп са свастыкай, якога дачка-штангістка вінаваціла ў згвалтаванні: за «Ахмат», Пуціна і сямейныя каштоўнасці
З дачкой замірыліся, як яна нарадзіла.
За Канстанцінам Бурыкіным надзейна замацавалася словаспалучэнне «бацюшка са свастыкай». Мужчына доўгі час быў настаяцелем храма у мястэчку Гатава пад Мінскам і намеснікам старшыні федэрацыі паўэрліфтынга Беларусі. Судзіў спаборніцтвы ў цяжкай атлетыцы і тайскім боксе. Усё гэта скончылася ў лістападзе 2016 года, калі святар трапіў у зняволенне.
Канстанцін Бурыкін нарадзіўся ў 1977 годзе ў расійскім Омску. У Беларусі пражываў з сярэдзіны 90-х. Хлопец проста ўцёк з Расіі ад прызыву, каб не ехаць на першую чачэнскую вайну. Па адукацыі – трэнер па боксе. Духоўнай семінарыі ці акадэміі Бурыкін не сканчваў. Святарскі сан атрымаў за абяцанне ўзвесці праваслаўны храм у Гатаве. Тут сваё слова ён стрымаў.
Батюшка со свастикой на груди. За что задержали зампреда Белорусской федерации пауэрлифтинга
У пачатку 2000-х Бурыкін становіцца духаўніком беларускага аддзялення Рускага нацыянальнага адзінства (РНЕ). Гэта ваенізаваная шавіністычная арганізацыя, якая вызнавала ідэі рускага неанацызму. Беларускае аддзяленне ўзначальваў Глеб Самойлаў, вядомы тым, што ў 1994-м распаўсюджваў улёткі са словамі «Рускія танкі будуць у Мінску». Самойлаў быў забіты ў траўні 2000 года, ва ўзросце 22 гадоў. Пасля гэтага аддзяленне ў Беларусі ўзначаліў Андрэй Саковіч, стрыечны брат святара.
Бурыкін у святарскім адзенні разам з неанацыстамі.
Бурыкін праводзіў набажэнствы для чальцоў РНЕ. Ён сам прызнаваўся, што сімпатызаваў ідэям арганізацыі, але свой удзел адмаўляе. Прыкладна ў той час на грудзях святара з'явілася татуіроўка са свастыкай, а на плячы арол часоў Нямеччыны Трэцяга Рэйху.
Праз шмат гадоў святар адхрышчаваўся ад неанацызму, казаў, што гэта былі памылкі маладосці, але татуіроўкі не зводзіў. Беларускага грамадзянства Бурыкін не атрымаў, меў толькі расійскія пашпарт.
Спорт быў вялікай часткай жыцця для Бурыкіна. Ён захапляўся паўэрліфтынгам. Магчыма, тут таксама паўплываў стрыечны брат. Андрэй Саковіч – майстар спорту ў сілавым трохборстве, чэмпіён Беларусі. Сам Бурыкін вялікі поспехаў як атлет не дасягнуў, але пры царкве заснаваў духоўна-спартовы цэнтр «Белая Русь», дзе стаў выхоўваць будучых чэмпіёнаў. Неўзабаве стаў адным з кіраўнікоў федэрацыі паўэрліфтынгу Беларусі.
Паўэрліфтынгам займаліся пасынак Аляксей і дачка Аляксандра. Першага Бурыкін выгнаў з дома, калі той стаў занадта самастойным. Аляксандра бліскуча пачала сваю кар'еру – выйграла бронзу на юніёрскім чэмпіянаце свету ў Паўднёва-Афрыканскай Рэспубліцы ў 2014 годзе.
«Я лічу, што без веры ў Бога нічога не будзе. Бо толькі Гасподзь дае перамогу», – казала пасля таго трыумфу Аляксандра. У 2015 годзе дзяўчына паставіла некалькі рэкордаў на спаборніцтвах «Арнольд Класік Еўропа», дзе з ёй пазнаёміўся асабіста Арнольд Шварцэнегер. На агульнай фотцы Аляксандра была ў майцы з выявай Аляксандра Лукашэнкі. У той жа год спартсменка прызнавалася, што марыць звязаць сваю будучыню з сілавымі структурамі, у прыватнасці са спецназам.
Фото дня. Силачка из Беларуси дарит Шварценеггеру майку с Лукашенко
Праўда, на гэтых поспехі маладой спартсменкі скончыліся. У лістападзе 2016 года Канстанцін Бурыкін быў арыштаваны і абвінавачаны ў незаконным захоўванні зброі. «Бацюшка са свастыкай» у выніку быў асуджаны да трох гадоў у калоніі строгага рэжыму. Ужо ў час зняволення дачка Аляксандра падзялілася з журналістамі гісторыя, што бацька яе гвалтаваў.
«Гэта пачалося з 13 гадоў. Я тады ўжо пайшла ў спорт, займалася троху з жалезам. Ён пачаў кранаць мяне паўсюль: «Гэта спартовы масаж, так трэба». Потым пачаліся дзіўныя падарункі на дзень нараджэння і Новы год. Яны з Воляй (мачаха дзяўчыны, ейная родная маці памерла – Tribuna.com) разам дарылі мне вібратары ну і проста гумовыя пенісы, мне тады было 14», – расказвала Аляксандра. Потым гэтую гісторыю яна таксама апавяла на відэа журналістам Бі-бі-сі.
Супраць Бурыкіна была заведзеная крымінальная справа за гвалт над непаўналетняй, але да суда яна так і не дайшла. У 2019 годзе, па сканчэнні турэмнага тэрміну, святара (яго афіцыйна так і не пазбавілі сана) дэпартавалі ў Расію.
Цяпер Бурыкін жыве ў падмаскоўным Сергіевым Пасадзе. Разам з ім у Расію пераехала жонка, а таксама двое сыноў. Абедзве дачкі засталіся жыць у Беларусі.
Канстанцін Бурыкін з дачкой Аляксандрай у Маскве.
Бурыкін актыўна вядзе свой акаўнт у сацыяльнай сетцы «Ўкантакце». Калі паглядзець змесціва старонкі, то складваецца ўражанне, што гэта ідэальны бацька і дзед. Ён пастаянна выкладае здымкі з дзецьмі і ўнукам, піша, як іх любіць і імі ганарыцца.
Адметна, што ў 2022 годзе Канстанцін і Аляксандра Бурыкіны памірыліся. Сама дзяўчына з гэтай нагоды напісала наступнае: «Пасля вельмі доўгага перапынку я ўбачылася са сваёй сям'ёй. Я вельмі радая, што нашае стасаванне ўзнавілася насуперак усім «добразычліўцам».
Напярэдадні, восенню 2021 года, Аляксандра стала маці, нарадзіўшы сына Багдана. Бацьку хлопчыка ў сацыяльных сетках экс-спартоўка не паказвае.
«Дзякуй, што ты ў мяне ёсць, раней я многае не цаніла і не разумела, пакуль сама не сталі маці. Я вельмі радая, што магу з табой усім дзяліцца і прыслухоўвацца да парадаў. Я вельмі цаню твае перажыванні і падтрымку. Зычу табе як мага больш здароўя і каб усе планы рэалізаваліся ў жыцці», – віншавала Аляксандра свайго бацьку з Днём таты.
Сам Бурыкін нічога не расказвае пра сваю цяперашнюю працу. Але ў ягоных сацсетках адсутнічаюць здымкі ў святарскім адзенні. У адным з допісаў ён апісваў сустрэчу на працы з Z-блогерам Яўгенам WRUSSS-ам. Вельмі падобна, што яна адбывалася на падворку Свята-Троіцкай Сергіевай лаўры.
Бурыкін ад першых дзён вайны захапляецца дзеяннямі расійскіх вайскоўцаў ва Украіне. Праўда, сам удзельнічаць у «СВА» – так называе вайну расійская прапаганда – не паехаў.
«Цяпер па-новаму гучаць словы «Усё для фронта! Усё для перамогі!» Па-новаму адчуваецца датычнасць да вялікіх падзей, ніхто не можа заставацца ўбаку. Мы ўсе па-новаму перажываем «данбаскі кансэнсус». Па-новаму аб'ядноўваемся вакол нашага прэзідэнта Пуціна», – пісаў Бурыкін.
Былы святар захапляецца дзеяннямі чачэнскага спецназа «Ахмат», які шмат хто з расійскіх вайскоўцаў называе «цік-ток-войскамі». Бурыкін лічыць, што межы Расіі нідзе не сканчваюцца, а з «рускімі разам Бог». Аддана святкуе дзень 9 мая, хаця, магчыма, усё яшчэ носіць на целе нацысцкія сімвалы. Свайго непаўналетняга сына Сцяпана ён пераядычна водзіць да мемарыялу ў памяць вагнераўцаў, што загінулі ва Украіне.
Пра Беларусь на старонцы «Бацюшкі са свастыкай» толькі адна згадка. Восенню 2024 Бурыкін сфоткаў на ВДНХ з майкай з выявай Лукашэнкі і надпісам «Красаўцы». «Мая радзіма – Беларусь (гэтая фраза была напісана па-беларуску – Tribuna.com)! Як жа я цябе люблю. Думаю, сябры з Беларусі разумеюць, пра што я. Усё з дабром».
Аляксандра Бурыкіна недалёка адышла па поглядах ад бацькі. Яе інстаграм называецца black_mama88. Апошняя лічба яўна не год нараджэння дзяўчыны, гэтае спалучэнне часта выкарыстоўваюць сучасныя неанацысты, каб зашфраваць імя Гітлера. Былая спартоўка фатаграфуецца з імперскім чорна-жоўта-белым сцягам, на якім напісана «Мы – рускія. З намі Бог».
Год таму Аляксандра адкрыла сваю клінінгавую кампанію ў Мінску. Бурыкін напісаў, што ў справе прыборкі памяшканняў яна робіць ўсё гэтак жа «ярка і прыгожа, як калісьці ў паўэрліфтынгу».
Іншыя пасты карыстальніка
