Чырвоная сукенка, чэмпіёнскі пояс, тусоўка з атачэннем – так Сабаленка святкавала перамогу на US Open
Выбралася і на паказ мод.
У ноч з 7 на 8 верасня па мінскім часе беларуская тэнісістка Арына Сабаленка стала пераможцай US Open, адолеўшы ў фінале амерыканку Джэсіку Пегулу (7:5, 7:5).
Для рэжымнай тэнісісткі гэты трафей стаў трэцім на турнірах Вялікага шлема, да гэтага яна двойчы выйгравала Australia Open.
Пасля ўрачыстай цырымоніі Сабаленка падзякавала публіцы за падтрымку, хоць і не забылася ўкалоць, што заўзятары на корце падтрымлівалі Пегулу крыху больш.
Затым Сабаленка выйшла з трафеем да публікі.
І зрабіла здымак на памяць ля стэнду, дзе запісаныя ўсе пераможцы. Цяпер там ёсць і яе прозвішча.
У распранальні спартсменку чакаў душ з шапманскага. Асабліва пастараўся, каб тэнісістка не засталася сухой, яе трэнер Джэйсан Стэйси – выліў ігрыстае прама на яе галаву. І гэта зразумела. Каб падбадзёрыць спартсменку, ён нанёс сабе на лысіну выяву тыгра. І ўвогуле Сабаленка любіць над ім паздзеквацца.
Пераапрануўшыся, Сабаленка вярнулася на корт, каб зрабіць памятныя фота са сваёй групай падтрымкі, у ліку якой быў і яе бойфрэнд Георгіс Франгуліс.
Дарэчы, яго кампанія Oakberry таксама павіншавала тэнісістку з перамогай – у сваіх сацсетках запосцілі карцінку з надпісам «Не проста чэмпіёнка. Гэта Сабаленка».
Не забылася беларуска і пра яшчэ адну традыцыю – выпіць шампанскага (спонсарскі Moet) з новага трафея.
Затым адправілася на чэмпіёнскую фотасесію, для якой абрала ярка-чырвоную сукенку ў падлогу. Беларуска пазіравала, шмат смяялася, цалавала трафей – карацей, відвочна атрымлівала асалоду ад таго, што адбываецца.
А яшчэ атрымала незвычайны падарунак – ёй, нібыта баксёрцы, уручылі чэмпіёнскі пояс. Сабаленка была ў захапленні.
Разабраўшыся з афіцыйнай праграмай, падпісантка за рэпрэсіі адправілася святкаваць перамогу ў блізкім коле – каманды, бойфрэнда і яго партнёраў.
Чэмпіёнская вечарынка выглядала дастаткова камерна.
Але трафей на вечарыну таксама прыхапілі.
Пераможнае відэа для інстаграм. «Гэта рэальнае жыццё?» – падпісала яго спартсменка.
Ну і куды без сэлфі з чэмпіёнкай.
На наступны дзень пасля перамогі Сабаленка засвяцілася на ньюёркскім тыдні моды. Беларуска, якая апранулася ў чорную сукенку, пазіравала з бразільскай супермадэллю Алесандрай Амбросіяй.
І брытанскім спеваком Зейнам Малікам.
Іншыя пасты карыстальніка
