Беларусь - Люксембург: калі ўспамінаеш 2007-мы ФОТА

Упершыню на гульні беларускай нацыянальнай каманды з Люксембургам я пабываў у 2007 годзе - тады мне далка ехаць не прыйшлося, бо гульня адбывалася ў Гомелі на стадыёне Цэнтральным, адным з лепшых тады і сёння футбольных стадыёнаў Беалрусі. То, дарэчы была добрая традыцыя - праводзіць не топавыя гульні ў розных гарадах Беларусі - так аўдыторыя прыхільнікаў футболу сапраўды пашыралася. Напрыклад, у Барысаве ў 2016 годзе гульню з Люксембургам назірала 9 тысяч гледачоў, у той час як у Гомелі ў 2007 годзе стадыён быў поўны - за супрацьстаяннем сачыла каля 15 тысяч гамельчукоў і гасцей паўднёвай сталіцы нашай Бацькаўшчыны.

Вядома, што гульня ў Гомелі скончылася для Беларусі трагічна - на 95-й хвіліне шчыры люксембуржац забіў мяч у нашу браму і Вялікае Герцагства перамагло нашчадкаў Вялікага Княства з лікам 1:0, перамогшы упершыню за 11 год у афіцыйных гульнях. 

У той гульні беларускія футбалісты стваралі 100500 момантаў, але не рэалізоўвалі іх, а ў эпізодзе з узяццем брамы наш брамнік, здавалася, рабіў усё, каб толькі не перасекчыся з мячом і даць яму спакойна пакалашмаціць сетку. 

Дзеля жарту тады я паставіў на люксембург - каэфіцыэнт быў тады 24, як зараз памятаю, то дамой было не так сумна са стадыёну сыходзіць. Аналізуючы ход той гульні, магчыма, не толькі я адзін такую стаўку рабіў. 

Я быў так уражаны той гульнёй, што матэрыял "ЗА Люксембург!" аб той гульні трапіў на першую старонку Першай цалкам беларускамоўнай газеткі гомельскага рэгіёну "Гомельскія Навінкі".

А пасля, праз пару месяцаў, напачатку 2008 году я на некалькі год з'ехаў у Эстонію - магчыма матч у Гомелі на гэта таксма паўплываў.

Так ці інакш, едучы ў Барысаў, 

Безумоўна, парадвалі беларускія фанаты і заўзятарамі беларускай мовай, "Жыве Беларусь!" і нацыянальнымі сцягамі - нават не магу, калі я апошні раз такое бачыў на стадыёнах Беларуксі. А, усё ж прыгадаў - месяц таму на гульні Беларусь - Францыя на той жа Барысаў-Арэне. Наогул, калі б не фанаты, уражанні ад гульні былі б наогул ніякімі - якой у прынцыпе гульня і была.