Ці гэта адраджэнне Арсенала?

Арсенал працягвае свой ўражлівы ўздым па турнірнай табліцы, а што самае галоўнае, уздым у гульні.

Арсенал наведаўся ў госьці да Лестара ў 10 туры АПЛ. Вынік сустрэчы прадказаць было вельмі складана, бо абедзьве каманды паказвалі добрую гульню ў апошнія тыдні, мелі знакавыя перамогі на сваім рахунку, прайшлі чарговы раўнд у Кубку Лігі.

Сустрэча пачалася ашаламляльна для гаспадароў, яны яўна не чакалі такога спрыту ад футбалістаў з паўночнага Лондану, і гэта відавочная хіба Брэндана Роджарса. Арсенал задаў шалёны тэмп сустрэчы, дзейнічаў вертыкальна, хутка перасоўваю мяч да чужых варот і максемальна абгастраў атакуючыя дзеянні на чужой траціне. Такія дзеянні прынеслі свой плён, ужо да 20' хвіліны госьці забілі двойчы.

Габрыэль вывяў "кананіраў" наперад пасля кутняга ў выкананні Бакайо Сака. Другі гол на рахунку Сміт-Роў, якы быў спрытней за ўсіх на нічыйным мячы, пасьля небяспечнага прарыву Сака ды Лаказэта.

Нельга не адзначыць гульню брамніка Арсенала - Рамсдэйла, там дзе абаронцы дзейнічалі не надзейна, кіпер ратаваў сваю каманду, правёўшы бліскучы матч. Таксама, на рахунку Ангельскага брамніка паратунак дня, пасля штрафнога удара ў выкананні Мэдісана.

Арсенал уражвае сваёй гульнёй. Артэта змог перабудаваць каманду.

Пасля трох параз у першых трох турах, лёс Артэты, падавалася, быў вызначаны, але гішпанец перабудаваў каманду.

Брамнік, з'явіўся новы брамнік, якога набылі ўлетку. Арон Рамсдэйл правёў сем сустрэч, у якіх каманда пяць разоў перамагла, двойчы згуляла ў нічыю і чатыры сустрэчы без прапушчаных галоў. І вось у гульні супраць "лісаў" у актыве Рамсдэйла восем(!) сэйваў, ён адзін з галоўных чыннікаў станоўчых зменаў у гульні Арсенала.

Гульня з Лестарам, нагадвала шаблон з мінулага тура, калі Арсенал у такім жа тэмпе распачаў сустрэчы і хутка займеў сур'ёзную перавагу, а потым і давёў матч да перамогі.

Нуну Таварэс добра падтрымлівае атакі з левага фланга, а Сака, Парці ды Сміт-Роў добра кантралююць мяч у сярэдзіне поля. Сака становіцца адным з лідараў, яго дзеянні значна ўплываюць на вынік каманды. Досьвед Абамеянга ды Лаказэта цудоўна спрыяюць забіўному патэнцыялу каманды, што і паказала выніковасць у апошніх сустрэчах.

Пытанні ёсць да абароны, якая прымушае праводзіць супер-матчы свайго брамніка. Габрыэлю ды Бэн Ўайту яшчэ не хапае стабільнасьці.

Такім чынам, Арсенал узняўся на пяты радок, эўракубкавая зона. Артэта змог выраўняць становічша каманды, правёў сур'ёзную працу і рухаецца наперад. Так, яшчэ здараюцца страты пунктаў, там дзе б не было пажадана, але гэта ўжо не тая бездапаможная каманда, якую мы бачылі ў жніўні ды пачатку верасьня.