Надзеі Арсенала на ЛЧ зруйнаваныя

Арсеналу патрэбна была перамога, каб ізноў забрацца на чацвёртае месца, якое апанаваў Тотэнгэм, але каманда Артэты, дзіўным чынам знікла на полі Ньюкастла.

А атачала поле вельмі крутая атмасфера, прыхільнікі "сарок" зладзілі круцейшы перфоманс і на працягу ўсёй сустрэчы горача падтрымлівалі сваю каманду. Чарговае пацверджанне аксіомы, што футбол без заўзятараў - гэта не футбол.

Склалася ўражанне, што Арсенал працягваў гуляць у меншасці супраць Тотэнгэма, але нават там, у “гарматнікаў” былі гострыя моманты, якія патэнцыйна маглі скончыцца голам, а на “Сэнт-Джэймс Парк” няма чаго і ўзгадаць у выкананні гасцей.

Ньюкастл дзейнічаў больш актыўна, валодаў ініцыятывай, атакі былі куды небяспечней, чым у апанентаў. У “сарок” было некалькі небяспечныя падыходы, а самы гостры момант у першай палове адбыўся на 36-й хвіліне, калі Сан-Максэмэн выйшаў на ўдарную пазіцыю і добра прабіваў, але сваю каманду ратаваў Рамсдэйл.

Другая палова ніякіх зменаў у гульню гасцей, якім патрэбна была толькі перамога ў барацьбе за ТОП-4, не ўнесла. Гэта была, усё тая ж каманда, без ініцыятывы ў атацы, без хуткасці, без гострага валодання мячом.

А вось Ньюкастл, у сваю чаргу, дзейнічаў вельмі гостра. Адна з хуткіх і вертыкальных атак прывяла да голу на 55-й хвіліне, калі Сэн-Максэмэн добрым пасам, запусціў у прарыў Жаалінтана па правым флангу, а той аддаваў на Ўілсана ў цэнтра штрафно, дзе пры спробе перахапіць прастрэл, Бэн Ўайт зрэзаў мяч у свае вароты. Бліскучая, хуткая атака Ньюкастла прывяла да разрыву паміж лініямі ў абароне Арсенала і як вынік, “сарокі” выйшлі наперад 1–0.

Але, нават прапушчаны гол не ўзрушыў Арсенал, яны дзейнічалі вельмі пасіўна, аніводнага моманта, які б быў варты ўвагі так і не стварылі.

У Ньюкастла, адзін толькі Калом Ўілсан меў тры добрыя шанцы, каб забіць гол, у тым ліку, і бліскучы ўдар з далёкай дыстанцыі, які б мог завяршыцца цуда-голам. Нападнік “сарок” у пары метраў ад сярэдняй лініі поля прыняў мяч, апрацаваў яго ў барацбе з абаронцам і развярнуўшыся прабіў з паў-лёту. Мяч прыгожа залятаў за “каўнер” Рамсдэйлу, але дакладнасці крыху не выстачыла.

Другі гол усё ж адбыўся. На 85-й хвіліне, цалкам заслужана, Ньюкастл падвоіў сваю перавагу. Пасля хуткай атакі, мяч падабраў Лонгстаф і распачаўшы другую хвалю атакі, аддаў прыгожы пас на Ўілсана, той крыху не дабраўся да мяча, але сваёй актыўнасцю не дазволіў Рамсдэйлу завалодаць мячом і адскочыўшы мяч Бруну Гімараеш адправіў у вароты. 2–0 і на “Сэнт-Джэймс парк” адбываецца сапраўднае шаленства, заўзятары ў захапленні ад гульні сваёй каманды.

Гэта была тлустая кропка ў гэтай сустрэчы. Гэта было добрае завяршэнне сезона на сваім полі для Ньюкастла. Гэта быў для іх сезон адраджэнне, дзве розныя каманды ў двух паловах кампаніі. Тут і новыя ўладальнікі, новы трэнер, новыя гульцы. Каманда выдатна справілася з задачай на другую палову сезона, яны выбітным чынам падняліся з зоны вылета, ды так, што Эдзі Хао, быў намінаваны на трэнера сезона.

Арсенал быў жахлівы ў апошніх сустрэчах, гэта можа каштаваць ім кваліфікацыі ў Лігу Чэмпіёнаў. Каманда праваліла выезд да галоўнага канкурэнта па гэтай барацьбе за топ-4, але ўсё яшчэ было ў іх руках і тут каманда праводзіць невыразную гульню супраць Ньюкастла, тым самым, губляючы перавагу над Тотэнгэмам.