«Рэал» падпісаў 12-гадовага беларускага вундэркінда. Праўда, у сацсетках клуба пра гэта нічога
Затое хапае віншаванняў у інстаграме футбаліста.
Увечары, 21 жніўня, беларуская медыяпрастора выбухнула навіной — беларускі футбаліст падпісаў кантракт з мадрыдскім «Рэалам». Праўда, размова не пра дарослага спартсмена, а пра 12-гадовага Аляксея Маёрава. Мы ўжо распавядалі пра яго. У 2018-м, калі яму было шэсць, хлопец здзіўляў сваімі скіламі на шоў Максіма Галкіна «Лепш за ўсіх», у 2022-м стаў найлепшым гульцом дзіцячага турніру ў складзе каманды з сістэмы маскоўскага «Спартака», у 2023 ужо гуляў у Іспаніі за «Сэрданьёл» з Каталоніі. Ужо тады дзіцёнкам цікавіліся топ-клубы: «Барселона», «ПСЖ», «Рэал» ды іншыя.
Цікава, што падчас аднаго з матчаў у Іспаніі Маёраў уразіў аднаго з журналістаў газеты «Эль Мунда Дэпартыва», і той зрабіў яму камплімент: «Слухай, ты проста як Месі!» На што беларус адказаў: «Я не Месі, я лепшы за яго».
На пачатку 2024-га Маёраў, а дакладней яго бацька Аляксей Маёраў-старэйшы на правах прадстаўніка, заключыў трохгадовы кантракт з «Адыдас» з магчымасцю атрымання экіпіяванне без абмежаванняў.
І вось 21 жніўня Маёраў заключыў кантракт са «сметанковымі», стаўшы першым беларускім футбалістам у сістэме «Рэала»:
Першы трэнінг у новай камандзе адбыўся неўзабаве:
Маёраў-старэйшы пракаментаваў падпісанне з «Рэалам». Паводле яго слоў, прадстаўнікі «сметанковых» адразу ж праявілі прадметную цікавасць і пасля камунікацыі з імі з іншымі клубамі «не хацелася мець справы». Пра дэталі кантракта бацька не паведаміў, бо не можа іх выдаваць. Аднак, як ён сам сказаў, прадстаўнікі «Рэала» яго запэўнілі, што прапанаваныя ўмовы не маюць аналагаў сярод юных футбалістаў. Таксама бацька дадаў, што пасля падпісання кантракту з «Рэалам» «Лёша зможа засяродзіцца выключна на футболе, таму што вырашэнне ўсіх іншых пытанняў бярэ на сябе клуб».
Нягледзячы на заяўленыя салідныя ўмовы і ўражальную статыстыку (у чэмпіянаце Іспаніі ў сваім узросце Маёраў забіў 59 мячоў у 22 матчах), пра падпісанне беларуса ў сацыяльных сетках «Рэала» ці яго акадэміі абвешчана не было. Навіна з'явілася толькі ў твітары Real Madrid Fabrica (амаль 111,5 тысячы падпісчыкаў). Па стане на раніцу 22 жніўня там было 523 лайкі і 53 рэпоста:
У каментарах адзначылі талент Маёрава і старанне бацькоў (бацька сапраўды шмат зрабіў, каб сын апынуўся ў «Рэале»):
«Ён занадта добры. Вялікая самааддача таксама з боку бацькоў»
Яшчэ адзін карыстальнік, здаецца, параўнаў Маёрава з некаторымі гульцамі «Рэала»:
«Модрыч, Азіл, Дзі Марыя... перамога ў Мадрыдзе».
Значна больш каментароў пад пастом пра падпісанне кантракту на старонцы Маёрава ў інстастаграме. У асноўным усе віншуюць Аляксея, як на рускай:
Так і на іспанскай мовах:
«Вялікі чэмпіён, ты гэтага заслугоўваеш. Няхай добраславіць цябе Бог на новым этапе».
«Віншую, брат, ахвяра мае сваю ўзнагароду, ты заслугоўваеш яе больш, чым хто-небудзь іншы, атрымлівай асалоду ад яе і працягвай расці да вяршыні».
«Оле 👏🏽 віншую чэмпіёна, ты гэтага заслужыў».
Другие посты пользователя
