ФК Дынама (Мінск): прозвішчы гульцоў у сезоне 2015 - па-беларуску

ФК "Дынама"(Мінск) першы клуб, што заявіў аб намеры пісаць прозвішчы гульцоў на футболках па-беларуску. Хочацца спадзявацца, што не апошні.

З 2013 году беларускай мовы на форме беларускіх футбалістаў не было. У той год зноў вызначыліся павагай да Беларусі дынамаўцы, толькі на гэты раз берасцейскія, але ў сезоне 2014 адмовіліся ад беларускай мовы. Спадзяюся, яны таксама ў гэтым чэмпіянаце падтрымаюць сваіх старэйшых братоў з Мінска.

Наогул, здаецца, што Дынама-Мінск усур'ёз падыйшоў да беларусізацыі футбола ў гэтым сезоне і мае шанцы забраць першыства ў званні самага беларускамоўнага клуба ў Гомеля, Белшыны, Славіі і менскага Тарпеда.

І гэта вельмі файна, што ўсё больш беларускіх клубаў робяцца беларускімі. Асабліва калі тон у гэтым задаюць клубы не абдзеленыя славутай гісторыяй і тытуламі.

Магчыма, прыклад мінскіх дынамаўцаў заахвоціць да беларускай мовы і БАТЭ з Шахцёрам - у Суперкубку беларускамоўных прозвішчаў мы не пабачылі, але да пачатку чэмпіянату час яшчэ ёсць і ўсё можна змяніць у лепшы беларускі бок.

Мінулагодні адказ дынамаўцам падцвярджае, што яны словы на вецер не кідаюць