Гуляем у футбол па-беларуску

Беларуская мова паступова прыходзіць у беларускі футбол.

У сёлетнім сезоне шэраг футбольных клубаў вышэйшай лігі пачалі больш актыўна выкарыстоўваць беларускую мову ў сваёй спартовай дзейнасці.

Каардынатар грамадскай ініцыятывы Ігар Случак некалькі год запар дасылаў адмысловыя лісты кіраўніцтвам клубаў, у якіх заклікаў іх да шырэйшага выкарыстання беларускай мовы ў айчынным футболе.

- Тры клубы выступаюць з прозвішчамі на футболках па-беларуску. У мінулым годзе ніводнай такой каманды не было. Таксама клубы пачалі даволі масава выкарыстоўваць беларускую мову ў агучванні на стадыёне , у вырабе афіш, праграмак. У гэтым годзе я таксама даслаў прапанову, каб футбольныя клубы выкарыстоўвалі беларускую мову на сваіх афіцыйных сайтах.

На старонка свайго Фэйсбука Ігар Случак выкладвае ўзоры беларускамоўных афішаў.

Падрабязней па спасылцы