ФК Узда - ФК Тарпеда Мінск

04.07. у 9-ым туры мінскае Тарпеда сустрэлася з ФК "Узда". Гульня скончылася з лікам 2:1 на карысць нашых супернікаў.

Матч з лідарам групы казаў шмат аб чым. Але Чорна-Белыя так і не здолелі супрацьстаяць уздзенскай камандзе. Усе 3 галы гэтай сустрэчы былі забіты са стандартаў. Спачатку гаспадары поля адкрываюць лік са штрафнога, а ўжо ў сярэдзіне другога тайма рэалізуюць вуглавы і тым самым падвойваюць перавагу. У дададзены час тарпедавец Глеб Захарэнь забівае са штрафнога гол у браму нашых супернікаў.

На жаль, вымушаны прызнаць, што Тарпеда няўдала згуляла ў першым коле сезону. З 9 матчаў: 3 перамогі, 3 нічыі, 3 паразы (адна з якіх - тэхнічная), забіта было 10 галоў і прапушчана 9. Не пашанцавала і ў 1/32 фіналу Кубка Беларусі. Зараз абвешчаны трохтыднёвы перапынак, у якім кіраўніцтва мінскага Тарпеда зробіць усё магчымае, каб у другім коле былі выпраўлены ўсе памылкі, які былі дапушчаны ў першай палове сезону.

9 тур. ФК УЗДА - ФК ТАРПЕДА МІНСК 2:1

04.07.2015 / г.Узда. Гарадскі стадыён

Суддзя: Дзмітры Курадовец

ТАРПЕДА МІНСК: А.Нікіцін, С.Палій, А.Радчанка, А.Міхеенка, Д.Станкевіч, В.Тагіль, М.Маз, М.Курацкі, А.Іваноў, Р.Дурко, А.Петрусевіч, А.Бажко, А.Швайбовіч, С.Шастаковіч, Г.Захарэнь, А.Янкоўскі, І.Шэлег, М.Шкураценка