Еўрапейскi арбiтраж. 5 самых яркіх суддзяў Еўра-2016

  На Еўра прадстаўлена 18 судзейскіх брыгад з усяго Старога Свету. Блог "Mignonette"вылучае з іх пяць галоўных арбітраў турніру і расказвае іх гісторыі.                                                                                                                                                        

 Хто: Фелікс Брiх (Германія) 

Пачатак кар'еры: 2001 год

Юрыст па адукацыі, і нават мае доктарскую ступень. Футбольным судзействам займаецца з 1993 года. Ужо 12 гадоў працуе на матчах першай Бундэслігі. А таксама меў вопыт камандзіровак у чэмпіянаты Паўдневай Карэі і Саудаўскай Аравіі. У 2012 годзе працаваў на паўфінале ЛЧ «Чэлсі» - «Барселона» (1:0), праз год зноў убачыў трыумф «сініх» у фінале ЛЕ супраць «Бенфікі». Тады ен выступіў у якасці чацвертага рэферы. Затое ўжо ў наступным годзе Феліксу даверылі праводзіць фінал.

Нікога не здзівіць судзейскімі праколамі з незалічанымi галамі. Але ў 2013-м у матчы «Хофенхайм» - «Баер» быў забіты самы кур'езны гол за ўсю гісторыю лігі. Форвард «Баера» патрапіў у сетку варот з вонкавага боку, але мяч праскочыў ўнутр праз дзірку, якую перад матчам не заўважыў памочнік арбітра.

Фелікс Брiх ўпершыню працуе на чэмпіянатах Еўропы. А яго брыгада - адзіная нямецка-гаворачая. Ні аўстрыйскія, ні швейцарскія арбітры ў Францыю не прыехалі.

Хто: Нікола Рiццолi (Італія)

Пачатак кар'еры: 2001 год

Рiццолi па прафесіі архітэктар. З 2002 года працуе на матчах Серыі А, а праз 5 гадоў стаў судзіць міжнародныя паядынкі. 

У 2014 годзе архітэктар падвергнуўся жорсткай крытыцы з боку суайчыннікаў за працу на матчы «Юве» - «Тарына» за тое, што адкрыта "дапамагаў" гаспадарам. Турынскае дэрбі яшчэ доўга абмяркоўвалі італьянскія СМІ.

Але ставіць пад сумневам кваліфікацыю італьянца не варта. У яго за плячыма Еўра-2012 у Польшчы і Украіне, фінал Лігі чэмпіенаў 2013-га, а самае галоўнае, ен адзіны з усіх 18 судзейскіх брыгад, хто абслугоўваў фінал чэмпіянату свету.

Хто: Марцін Аткінсан (Англія) 

Пачатак кар'еры: 1998 год

Адзін з вядучых арбітраў на туманным Альбіене нароўні з Маркам Клаттенбургам. Англія - адзіная краіна, прадстаўленая на Еўра адразу двума судзейкiмi брыгадамі. Марцін пачаў выступаць за спартыўную справядлівасць, яшчэ будучы юнаком у 16 гадоў, калі толькі захапіўся незвычайнай прафесіяй. Да 2005 года зарабляў на матчах паўпрафесійных і аматарскіх ліг. З 2009 года паспрабаваў сябе на ўзроўні Лігі чэмпіенаў. Галоўным яго дасягненнем з'яўляецца варшаўскі фінал Лігі Еўропы паміж «Дняпром» і «Севільяй».

Аткінсан перш за ўсе цікавы тым, што яго моцна перастаў любіць Стывен Джэрард. Пра гэта распавеў сам Стыві Джы у сваей аўтабіяграфіі. Арбітр працаваў на тым самым матчы ў 2014-м супраць «Чэлсі», дзе Ліверпуль выпусціў доўгачаканае чэмпіенства. А ў мінулым годзе Стывi  быў  выдалены праз 38 секунд пасля выхаду на поле ў гульні супраць «МЮ» за фол супраць Эррера.

На папярэднім чэмпіянаце Еўропы, чатырма гадамі раней, ён працаваў у складзе брыгады Ховарда Уэба. У Францыі Аткінсан упершыню сам дырыжуе свістком.

Хто: Сяргей Карасеў (Расія) 

Пачатак кар'еры: 2002 год

Юрыст па адукацыі. У 2008 годзе дэбютаваў у Прэм'ер-лізе, а праз два гады стаў арбітрам ФІФА. Ён сам прызнаўся, што пачаў лысець у 8 гадоў, тады ж ен захапляўся футболам не як іншы назіральнік, а як футбаліст, але не задалося.

У гэтым сезоне яго судзейскія брыгада  была задзейнічана на матчах Лігі чэмпіенаў і Лігі Еўропы. Вясной яны адпрацавалі матч «Барселона» - «Арсенал» і заслужылі добрыя водгукі.

Упершыню за 10 гадоў расейская брыгада арбітраў з Сяргеем Карасевам будзе прадстаўлена на вялiкiм турніры зборных.

Хто: Павел Краловец (Чэхія) 

Пачатак кар'еры: 2003 год

На сення лепшы чэшскi арбітр. Але стаў ен ім хутчэй вымушана. Павел быў прафесійным футбалістам, але ў 1993 годзе атрымаў разрыў ахіла. Дапамагчы пасля цяжкай траўмы змог бацька, які прапанаваў перакваліфікавацца ў суддзю. З 2005-га мае катэгорыю ФІФА, якая дазваляе працаваць на міжнародных матчах.

Два гады таму Давід Алаба абвінаваціў чэшскага арбітра ў тым, што ен спалохаўся Златана Ібрагімавіча. У супрацьстаянні паміж «Баварыяй» і «ПСЖ» шведскі форвард ударыў локцем аўстрыйскага абаронца, але Краловец нават не выдаў папярэджання. «Алаба ростам 150 або 160 сантыметраў, таму ен наткнуўся на мой локаць. Давайце за гэта пакарайце мяне на 40 гульняў», – сказаў Ібрагімавіч.

Краловец наведваў Польшчу і Украіну, але толькі ў якасці рэзервовага арбітра. Быў блізкі да паездкі ў Бразілію, патрапіў у пашыраны спіс, але на чэмпіянат свету паехаць не атрымалася. У Францыі Краловец працуе ў адной брыгадзе не толькі з землякамі з Чэхіі, але і са славакам Раманам Злiшка.

Фото: uefa.com