У фінальнай серыі нічыя 1:1

Каўнаскі «Жальгірыс» вытрымаў ціск сталічнага «Рытаса» і зраўняў лік у фінальнай серыі ЛКЛ. Каманда Андрэа Трынкʼеры перамагла віленцаў 83:79 (15:20, 21:13, 21:22, 26:24) і вярнула сабе перавагу хатняй пляцоўкі.

У першай чвэрці «Рытас» меў перавагу ў 10 ачкоў, але скончыў чвэрць з +5. У другой чвэрці наперад ужо выходзіў «Жальгірыс», які давёў адрыў да сваіх +5 ачкоў. На вялікі перапынак каманды пайшлі з лікам 33:36 на карысць «Жальгірыса».

У трэцяй чвэрці каманды ішлі нос у нос, не адпускаючы далёка адзін аднаго – 55:57 па выніках чвэрці. У чацвёртай чвэрці «Рытас» вырваўся наперад і рзабіў лік 69:62. Але «Жальгірыс» скараціў адставанне да 64:70, а рывок 19:9 за чатыры хвіліны да канца, здзейснены Дэйвідасам Сірвідысам і Сільвенам Франсіска, прынёс перамогу 83:79.

Франсіска набраў 16 ачкоў (3/5 двух, 1/6 трох, 7/8 штрафных), 4 перадачы і 20 эфектыўных ачкоў за 27 хвілін. Лепшым бамбардзірам стаў Сірвідыс – 20 ачкоў (2/4 двух, 5/6 трох) за 26 хвілін.

У фінальнай серыі зараз нічыя 1:1. Трэці матч адбудзецца 17 чэрвеня ў Каўнасе а 18:50.